زڤستان ل دەڤەرێن مە، ب سەرمایێ یا ناڤدارە و دا بەرگریا لەشێ تە یا بھێز بیت و نەكەڤییە بەر نەخوشیێن سەرمایێ و پەرسیڤی، دڤێت خورانێن تە ددروست بن و ھندەك خوارنێن هەین د زەنگینین ب فیتامینات و ئاسنی و ئەو رۆلەكێ باش د بھێزكرنا بەرگرییا لەشی دا دگێرن، ئەڤە پێنەڤێت دگەل ئەنجامدانا وەرزشێ و دەست شویشتنا بەردەوام و تێر نڤستنێ. كاسندرا كالابریس نوژدارا تایبەتمەندا بەرگرییا لەشی ل نەخوشخانا كلیفلاند كلینك، دبێژیت: «سیستەمێ رێكخستی یێ خوارنێ، كارگەریەكا راستەخو ل سەر تەندروستییا مرۆڤی هەیە و ل سەر بەرگرییا لەشی و ھاریكارە ژ خوە پاراستنێ ژ نەخوشیان و زوی ساخبوونەڤەیێ. دھێتە زانین كو فێقیێن ترس وەكو پرتەقالێ و نیمۆكێ و كیڤی، ژ فێقیێن گەلەك باشن بۆ بھێزكرنا جیھازێ بەرگرییا لەشی. ژبەركو ئەو ب فیتامین سی د زەنگینن.
