جوگرافییا كوردستانێ ل زڤستانێ ساروبەفرینە و ل ھاڤینان ژی گەرمە و ژكەڤن وەرە، كوردان رێكارێن خوە یێن تایبەت بۆ خوە گونجاندنێ دگەل ڤان هەر دوو وەزرێن ب زەحمەت هەبوویە. ل وەرزێ زڤستانێ و ژبەركو بەفرەكا زێدە دكەڤیت و ل ھاڤینان ژی دنیا گەرم دبیت و تێھنشكا خەلكی ب ئاڤا كانییان ناشكێت، خەلكی بیر ل وێ چەندێ كرن، كو بەفرا زڤستانێ بۆ ھاڤینێ عەمبار بكەن و ل گوندێ ئۆرە ل ناڤ بەرواری بالا و وەك وێ ل گەلەك دەڤەرێن دی ژی و تایبەت ئەڤێن جهەكێ گونجایی بۆ عەمباركرنێ لێ هەی، خەلكێ گوندی رادبوون ب عەمباركرنا بەفرێ و بۆ ڤێ چەندێ خەلك پێكڤە دەردكەفتن و بەفر كوم دكر و دكرنە د چالەكا تایبەتدا، كو دویری چاڤێ رۆژێ بیت و ل ھاڤینان هەر ئێكی بۆ پێدڤییا خوە قەستا وێ چالێ دكرن و بەفرا پێدڤی بۆ خوە دئینان، تایبەت ژی ل هەیڤا رەمەزانا پیرۆ ئەڤ كارە دكرن، بۆ شكاندنا تێھنشكا خوە.
فوتوو: ژ ئەرشیفێ ئەحمەد ئەدنی ھاتیە وەرگرتن.
