موزیكێ دژەنیت و ب ژەنیارێ ئامیرێ (قانون)ێ دھێتەناسكرنێ و نزیكێ 15 ستران و سرۆد ژ ئاوازێن ویینە و بدەنگێ سترانبێژێن ناڤدار هاتینە گوتن. بۆ سالا نوی یا 2005ێ سترانەك بناڤێ (گەر تو بھێی) توماركرییە و دبێژیت برێكا رۆژناما وە ئەڤ سترانە دیارییە بۆ هەمی حەژێكەرێن ستران و موزیكا كوردی. مە ڤییا بدیدارەكا درێژ ل دیوانا وی دانیشین و هەر تشتێ د چاندكا ویدا بەرچاڤی حەژێكەرێن ھونەرێ وی بكەین، لێ ژ بەرتەنگییا بەرۆبیاڤێ رۆژنامێ بتنێ ئەم شییایین ھندەكێ ژ ژیانا وی یا ھونەری بینینە زمان، دەستپێكا وی یا ھونەری وەك دبێژیت ل سالا 19992 وەك سترانبێژێ زارۆكان هاتمە پێش و مە چەندین بەرهەمێن زارۆكان توماركرن. كەسەك حەز ژ ھونەری كربیت دێ ھونەرمەندەك ژێ دروست بیت و ئاراستێ خواندنا خوە ئێخستییە سەر ھونەری، پەیمانگەها ھونەرێن جوان، كولیژا ھونەرێن جوان ل زانكوییا سەلاحەددین و نوكە ژی مژویلێ نڤیسنا تێزا خوە یا دكتورایێ یە. دوارێ نڤیسینێدا پەرتووكەك بناڤێ (موزیك و سینەما) چاپكرییە و د چەندین تیپ و گرۆپاندا كاركریە و بەشداری چەندین ڤێستیڤالێن ھونەری بوویە و نە بتنێ ل كوردستانێ، بەلكو كونسێرتەك ل وەلاتێ رۆسیا ژی هەبوویە و دوارێ راگەهاندنێدا بەرنامێن تیڤی و یێن رادیویێ هەنە و نوكە ژی خودان بەرنامەكێ دیکۆمێنتاری یە، گرێدای بیۆگڕافییا هونەرمەند و بابەتێن هونەری یە ل دھۆك تیڤی، ئەڤە ژبلی مامۆستایێ وانێن موزیكێ بوویە ل پەیمانگەها ھونەرێن جوان پشكا موزیكێ وانە گوتینە و د چەندین ڤێستیڤالاندا وەك پەنەلیست و ڤەكولەر ژی بەشداربوویە.
