د سالیادا خوە یا ئێكێدا، پرۆژێ نڤیسەر و خواندەڤا كو گرۆپەكێ تایبەتە ب نڤیسینێ ڤە سالیادا خوە بچەندین چالاكییان ئەنجامدا و ژوان ژی پەنەلەك هاتە پێشكێشكرن و سێ ماموستایان بابەتێن خوە تێدا پێشكێشكرن، ئەو ژی لدوور رەوشا رەخنەیی ژلایێ د. نعمت اللە حامد نهیلی و رەوشا وەرگێرانێ ژلایێ شەمال ئاکرەی و رەوشا ڤەكۆلینێ ژلایێ د. ئەمین عبدالقادر و دیسان پەیڤا راھێنەرێ كورتەچیرۆكێ ژلایێ عسمەت محەمەد بەدەل و ئیمزاكرنا پەرتووكەكێ بناڤێ (كورتەچیرۆكێن بژارە) و بلاڤكرنا خەلاتێن رێزلێنانێ ل سەر سەر هەرسێ سەركەفتیێن ئێكێ و دوویێ و سیێ. لدوور ڤی گروپی و مەبەست ژ دامەزراندنا وێ، (هارون عزەت) سەرۆك و دامەزرێنەرێ پرۆژەی بۆ كوردستانی نوێی بادینان، گوت: «پرۆژێ نڤیسەر و خواندەڤا بۆ ئاڤاكرن و پێگەهاندنا گەنجان و هەروەسا بۆ ب كەلتوركرنا خواندنا پەرتووكێ هاتیە دامەزراندن و دڤان سێ سالێن بوریدا، مە چەندین چالاكی ئەنجامداینە و ژوان ژی دوو گەرێن فێربوونا نڤیسینا كورتەچیرۆكێ و مە ل بەرە بۆ سالا بھێت ژی چالاكیێن مە د بەردەوام بن و ئەم بشێین ببینە هاندەرەك، كو خواندەڤایێ پەرتووكێ زێدە ببیت».
