دناڤ زڤستانەكا سرۆسەقەم دا، سرۆشتەكێ ب بەفرێ هاتییە ھنین، دیمەنەك دھێتە بەرچاڤ، تێدا هەڤركی و نەخوشیێن ژیانێ پیشانددەت. ئەڤا هەنێ د تابلۆیێ بناڤێ (دارڤانێن بچویك) دا ژلایێ ھونەرمەندێ شێوەكار (ماتیاس رانفتل) ل سالا 1850ێ هاتیە كێشان. زارۆكەك و كچەك، مل بملێ ئێكن و وێ كچێ بەرملەكێ دارا ل پشتێ یە. ل تەنشت وان سەیەك لدویڤ شوین پێن وان دچیت و هەر وەكو دیار، ئەو ژی دڤێ شورەشێ دا دگەل وانە. بەفر ل هەمی جهەكی و عەسمانەكێ مژەوی، بتنێ ھوڤاتی ژێ دباریت و دگەل ڤێ ژیدا چەندین چیرۆكێن ڤەشارتی دناڤ ڤی تابلۆیدا دھێنە دیتنێ و رەنگە تاكە ھیڤییا ھونەرمەندی دڤی تابلویدا دیار كربیت، ئەو پشتیێ داران دێ وان بۆ دەمەكی، خوە ئەگەر یێ كورت ژی بیت، لێ دێ ژ سروسەرمایێ دویركەڤن.
