سترانەکا خەمگرتی د گوهێن بایی دا

دلدار محەمەد


(1)
من تەماشەی کارتۆنکێن گەلەک دەرمانان کر، بۆ کویرە برنێن کۆردویی 
مخابن لسەر چ ژوان نە نڤێسی بوو
 چارەسەریا ئێک نەگرتنێ یه
 (2)
وەکی کولانا مە یا پری تەقن و تۆز، دناڤ ڤی باژێرێ جوان دا 
بۆ من ژی هەستێ ژبیرکرنێ دناڤ کۆما مرۆڤان دا
 یێ پەیدابوویی 
(3)
نەداریێ دورپێچ کربوو  و زارۆکێ وی دناڤ دەستاندا گاڤ بەرەڤ مرنێ دهاڤێتن
لێڤا خۆ گڤاشت و رۆندکان پیاسە لسەر رۆیێن وی کرن.. 
شەدا،
کا ژۆردا تەماشەی من بکه 
ئەز بێدەنگترم یان تۆ 
ئەز خۆراگرترم یان تۆ؟

(4)
نەترسن شەرێ براکوژیێ روونادەت!
 هێشتا ئەم هەمی ل بەرامبەر هەڤدوو  ئێکانەیێن دفن بلندین 
 و نزانین برا بین..