خوێندكارێن كوردێن باژێرێ (ڤەستێرۆس) ل وەلاتێ سوێد، گوڤارەكێ بناڤێ (kurd) دەردئێخن و ئەو تشتێ تێدا دهێتە نڤیسین، بتنێ بەرهەمێ قەلەمێ وانە. لدوور كوڤارێ نڤیسەر (نیشان بامەرنی) كو ئێك ژ ماموستایێن زمانێ كوریێ یە ل وی باژێری بۆ كوردستانی نوێی بادینان گوت: «گوڤارا کورد کوڤارەکا سالانە یە. ئەڤە دو سالە دەردکەڤت، ئانکو ژمارا دویێ یە. هەر تشتەکێ تێدا دهێتە بەڵاڤەکرن ژ بەرهەمێ نڤیساندنا خوەندەکاران بخوەیە و هەر ژ پولا یەکێ حەتا ئامادەیی. هەروەسان ئەو چالاکیێن هەڤبەش یێن ماموستا و خوەندەکار پێ رادبن؛ مینا ئاهەنگێن رۆژا زمانێ کوردی، نەورۆزێ و بدوماهیک هاتنێن وەرزێن خوەندنێ و سەرەدانێن سازیێن کوردی، وەکە پرتووکخانان و سەفەرێن جهێن دیرۆکی». نیشان بامەرنی لدوور پشتەڤانیا گوڤارێ زێدەتر گوت: «سپونسەرێ وێ ژی هەر ژ بودجەیا جهێ کارێ مە تێتە مەزاختن، ئەڤە ژی وەکە پالپشتیەکە ژ بۆ حەز و ڤیانا خوەندەکاران زێدەتر لێ بێت د وارێ خوەندن و نڤیسکاریێ دا». جهێ ئاماژێ یە كو كارێ دەرێخستنا ڤێ كوڤارێ ب سەرپەرشتییا ماموستا (مەحمود لەوەندی) دهێتە كرنێ.
