عارف حیتۆ
هەما هەڕە و چ جاران ل دۆر خوە نەزڤڕە
هەر چ تشتێ ل پاش تە مایی، لەقهاڤێژە!
ئەڤە ژ مێژە...
سەرێ من ب ڤێ ل دۆر خوە زڤڕینەڤێ گێژە!
تیرێن ژ پشتڤە...
ب رەحمترن ژ تیرێن دۆستان، د سینگی را بچن
ئەڤ ژیانە چەند ئاڵۆز بوو!...
پەلاتینک ژی ئێدی نەشێن تەنا ل دۆر ئاگری بفڕن
باپیرێ من گەلەک یێ سادە و سافی بوو
هەردەم دگۆت: رۆژەک دێ هێت...
دێ شەڕ هەبن، شەڕان نەکەن
دێ کەر هەبن، قەت زین نەکەن
دێ سەر هەبن،
چ جاران خوە ژ گەشاتییا وان.. بێ بار نەکەن.
گولەک ژ باغێ ماڵ چنی و کرە د تویرکێ ریچاڵیدا
ئو خوە ل قەفا گۆپاڵی دا...
بەتەن و رێ کرنە پشتی و ستێرەکا ب رازێڤە نیشتی
هینگی چوو بوو کو ڤەگەڕیت.. لێ نەزڤڕی!
ڕازا هێتیم ما ب سۆزێڤە، د تویرکیدا!....
