دڵ ئەو ماسولكەیەیە كە پاڵ بەخوێنەوە دەنێت بۆ بەشەكانی دیكەی جەستە و ژیانی مرۆڤی لەسەر بەندە، بەو هۆیەشەوە پزیشەكان لەپێناوی پاراستنیدا بەردەوام رێنمانی دەدەن، تا مرۆڤەکان پارێزراو و دووربن لە نەخۆشكەوتن.
لەوبارەیەوە د. مەجدی حەبیب پسپۆڕی بەناوبانگی نەخۆشییەكانی دڵ لە میسر، كە هەفتانە لە سایتی «بی بی سی» رێنمای نوێ دەردەکات، ئاماژەی بەچەند رێوشوێنێک داوە بۆ خۆپارێزی و دەڵێت: خواردنەوەی چا و قاوە و خۆشوشتن لەناو گەرماوی سارد و مەلە و وەرزشەکانی دیکە، دڵ لەو نەخۆشییە باوانەی ئێستا دەپارێزێت.
روونیشیکردووەتەوە کە ئەو كەسانەی نەخۆشیی دڵیان هەیە، پێویستە بەردەوام وەرزشی ئاسان بكەن، زۆر خۆیان ماندوو نەكەن و خواردنی تەندروست بخۆن، هەروەک دووربكەونەوە لە خواردنی گۆشتی سوور و مریشك و گرنگیی زۆر بە خواردنی گۆشتی ماسی بدەن.
ئەو پزیشکە جەختیش دەکاتەوە لەوەی ئەو كەسانەی نەخۆشی دڵیان نییە و دەیانەوێت لە نەخۆشیەكانی دڵ بەدووبن، پێویستە لە ژەمەكانی رۆژانەیاندا سەوزە هەبێت، وەرزشی بەردەوام بكەن و دووربكەنەوە لە كێشانی جگەرە و نێرگەلە.
