قێرین عەجۆ (بێدەنگییا دەری) دكەتە پەرتووك

قێرین عەجۆ ئێك ژ نڤیسەر و چالاكڤانێن عەفرینێ یە و دەستێ نڤیسینا هەلەبەستێ یێ هەی، پەرتووكا خوە یا بناڤێ (بێ دەنگییا دەری و هەناسەیەك كوور) بۆ كوردستانی نوێی بادینان دكەتە دیاری و لدۆر پەرتووكا خوە دبێژیت: ئەڤ دیوانا من یا ئێكێ یا هەلەبستانە و 50 هەلبەستان بخوەڤە دگریت و دناڤ پەرتووكەكا 72 لاپەراندا و ب پیتێن لاتینی ھاتییە چاپكرن و ژبلی كارێ نڤیسینا هەلبەستێ، ئەز گوتارێ ب زمانێ عەرەبی ژی دنڤیسم و من ل سەر بەرهەمێ چەند نڤیسكاران ب عەرەبی نڤیسییە و من د رۆژنامە و گوڤارێن عەرەبیدا بلاڤكرینە و مەبەستا من بڤێ چەندێ، ئەز بشێم خزمەتا ئەدەبیات و نڤیسەرێ كورد بكەم و وان و بەرهەمێ وان ب جیھانا عەرەبی بدەمە ناسكرنێ. لدووماھییا دیدارا خوە یا كورت ژی گوت: ئەز حەزدكەم ڤێ هەلبەستا من لدەف خوە بلاڤ بكەن:
(بێ وار)
مەشییان رێز ب رێز
بەردەڤێ ژیانێ ئەز پالدام
گوت:
تو كی؟
من گوت: من رۆژاڤامە
گوت: بێ دەنگ بە،
تو لوەلاتەكێ دوورێ زنجیرێ 
ئازادییا تە تەپساندییە..
من گوت: ئەز لخوە دگەرم
گوت: دەمێ وەلاتێ تە هەبە!