خەمێ تر
بچوو دی كەم
بێە ئازار
دڵەێ پڕ لە حەسرەتم
خەم قورسێ تر مەخە بان
خەم و دەردوو
مەێنەتم
دڵم لە گوڵ نازگترە
وە توزێ وا
كەفێدە خوار
هەناسەم جیو
شنەێ شەماڵ
هات و چوو كەێ
جار و بار
لە ناكاوا
قەت بوو بڕیەێ
گشت ئومێد و ئاواتم
كەسێ نیە
وە دڵسووزی
بەشكەم بێەێ نجاتم
مەگەر هەر
داد و ناڵە كەم
دكلە دەس جەور زەمانە
عەساێ دەوریشی هەڵگرم
هەر جیو وەلی دێوانە
وەكوڵی خەمو مەینەت
ڕیو بكەمە
ئەو شاخانە
سامان خانەقیی
