دانیشتووانی ناحیەی کۆکس داوا لە حکومەتی هەرێم دەکەن کاربکات بۆ وەستانی ئەو هەوڵانەی کە دەیەوێت ناحیەی کۆکس لە ئیدارەی گەرمیان داببڕێت.
چۆمان ئەحمەد بەڕێوەبەری راگەیاندن و پەیوەندییەکانی ئیدارەی گەرمیان بە کوردستانی نوێ-ی راگەیاند: دانیشتووانی سنووری ناحیه‌ی كۆكس سه‌ردانی ئیداره‌ی گه‌رمیانیان كرد و داوایانكرد حكومه‌تی هه‌رێم كاربكات بۆ راگرتنی بڕیاری دابڕانی ناحیه‌ی كۆكس له ئیداره‌ی گه‌رمیان.
لەو بارەیەوە سه‌رپه‌رشتیاری ئیداره‌ی گه‌رمیان رایگه‌یاند، بڕیاری دروستكردنی قه‌زایه‌كی نوێ و گواستنه‌وه‌ی ناحیه‌ی كۆكس بۆ سه‌ر ئه‌و قه‌زایه له‌لایه‌ن حكومه‌تی عیراقه‌وه، پێچه‌وانه‌ی ده‌ستووره، له‌به‌رئه‌وه‌ی ئه‌م ناوچه‌یه له سنووری ماده‌ی 140ی ده‌ستووری عیراقه و نابێت له رووی ئیدارییه‌وه گۆڕانكاری تێدابكرێت.
وتیشی، له‌دوای بڕیاره‌كه‌ی حكومه‌تی عیراقه‌وه ئیداره‌ی گه‌رمیان رێكاره پێویسته‌كانی گرتۆ‌ته‌به‌ر به ئامانجی هه‌ڵوه‌شانه‌وه‌ی بڕیاره‌كه بۆ ئه‌و مه‌به‌سته‌ش هه‌موو هه‌وڵێك ده‌دات.
گەرمیان، حسێن عەزیز
