تو چ ژ ئەپلیکەیشنێ (ئی ـ هەلسەنگاندن) دزانی؟

م. ئیمان نەزیر


ئەڤ ئەپلیكەیشنە، خزمەتگوزارییەکا دیجیتالی یە و سەر ب وەزارەتا پەروەردێ ڤەیە. ل رۆژا 12/1/2025ێ ژ لایێ وەزیرێ پەروەردا حکومەتا هەرێما کوردستانێ ڤە هاتە کارا کرن. ل هەردوو سیستەمێن ios و Android بەردەستن و ل دەستپێکا وەرزێ دوێ یا ئەڤ سال کەفتە دبوارێ جێبجێکرنێ دا. ل دەستپێکێ 396 قوتابخانا بخوڤە دگریت، پاشی هەمی ناڤەندێن خواندنێ ژی دشێن بکاربینن چ حکومی بن یان نەحکومی و ئەڤ خزمەتگوزارییە پەیوەندیێن دناڤبەرا سەمیانێن قوتابی و قوتابخانێدا بهێزتر دکەت، هەر ئێک ژ ماموستا و قوتابی دشێن بچنە دناڤ ڤێ ئەپلیکەیشنی دا و برێکا کود و مێژوویا ژ دایکبوونێن خو، کو دێ پێش وەخت ژ لایێ رێڤەرێ قوتابخانێ ڤە ب وان هێتەدان. 
* کارێ ماموستای دڤێ ئەپلیکەیشنی دا (هەلسەنگاندا قوتابی، دیارکرنا دەم و رۆژا تاقیکرنێ، پێدانا ئەرکی)یە. 
* ب رێکا ڤێ ئەپلیکەیشنی، سەمیانێن قوتابی دشێن ئاگەهداری رەوشا زارۆکێن خو ببن، وەك (ئاگەهداری نمرێن زارۆکێن خو بن، خشتێ وانێن حەفتییێ ببینن، ئاگەهداری وی ئەرکێ دهێتەدان ژلایێ ماموستایڤە، وردەکارێن دەم و بابەتێ ئەزموونێ، رێنمایێن پەروەردەی، هەلسەنگاندنا لسەر حەفت ئاستی). 
دڤێ ئەپلیکەیشنێ دا، هەلسەنگاندنا قوتابی دهێتە کرن ژلایێ ماموستای ڤە لسەر حەفت ئاستان (لسەر ئاستێ ئامادەبوونێ د پولێدا (ل دەمێ خو ئامادە دبیت یان درەنگ دهێت)؟، لسەر ئاستێ بەژداریکرنێ د چالاکیێن پولێدا (باشە، زورباشە، ناڤنجییە، پێدڤی پالپشتیا زێدەترە)، لسەر ئاستێ رەفتار و رەشتا (قوتابییەکێ هێمنە، گرتییە، بەژدارە د چالاکیێن ناڤ پولێ و دەرڤەی پولێ، سەردەری یا نەرمە گونجایە. ......هتد)، لسەر ئاستێ نمرەیێن وی ل هەلسەنگاندن و تاقیکرناندا (نایابە، باشە، زورباشە، ناڤنجییە، پێدڤی پالپشتیا زێدەترە)، لسەر ئاستێ هشیاریێ د پولێدا (باشە، زورباشە، ناڤنجییە،کێمە)، لسەر ئاستێ ئینانا پێداویستیێن خواندنێ بۆ ناڤ پولێ (پاپەندە، پاپەند نینە، جار پاپەندە و جار پاپەند نینە). 

مفاێن ڤێ ئەپلیکەیشنێ 
* ب رێکا ڤێ ئەپلیکەیشنی، سەمیانێن قوتابی دشێن ئاگەهداری رەوشا زارۆکێن خو ببن، وەك (ئاگەهداری نمرێن زارۆکێن خو بن، خشتێ وانێن حەفتییێ ببینن، ئاگەهداری وی ئەرکێ دهێتەدان ژلایێ ماموستایڤە، وردەکارێن دەم و بابەتێ ئەزموونێ، رێنمایێن پەروەردەی، هەلسەنگاندنا لسەر حەفت ئاستی). 
هەر دڤێ ئەپلیکەیشنێ دا ئەگەر ماموستای بڤێت، دانوستاندنەکا روی ب روی دگەل سەمیانێ قوتابی بهێتەکرن، ب هەماهەنگییەکا پێش وەخت دگەل رێڤەرێ قوتابخانێ، دێ دەم و رۆژەکێ دیارکەن بۆ ئامادەبوونا سەمیانێ قوتابی برێکا نامەکێ بۆ ئاگەهدارکرنێ.