دەست ژ چاند و تیتالێن کوردی بەرنەدەن!

زاگرۆس بەرواری 

هەتا ئەڤرۆکە ژی ل هەردو دەڤەرێن بۆتان و هەکاریێ، دەما شاهیان خەلاتێ پێشکێشی زاڤا و بووکێ دکەن، کو ئەڤە ب سەرێ خوە جوانیا چاندا کوردی ددەتە خوەیاکرن کو پالپشتیەکا بهێزە د ئالیێ ئابووری و مۆرالیدا بۆ ئاڤاکرنا مالەکا نوو

هەلبەت دەڤەرا بەهدینان تایبەتمەندیا خوە هەیە، لێ چاندا وێ پارچەکە ژ چاند و تیتالێن دەڤەرێن بۆتان و هەکاریێ. لێ بەهدینان د ناڤا ڤێ ئازادیێ دا، یا دەست ژ هندەک تیتال و چاندا باب و کالێن خوە بەر ددەت.
ئەم د بینین! ل هەردو دەڤەرێن مە ئاماژە پێکرین، ل ژێر چەندین گڤاشتن و قەدەغەکرنا زمان و چاند و جل و بەرگ و ناسنامەیا کوردی، هێشتا چاندا خوە یا ڕەسەن ب جوانی یا پاراستی، ئەو ژی زمان و جل و بەرگ و شاهی و شینی نە، سەرەڕای هێرشێن هەمەلایەنی یێن داگیرکەران، لێ ئەوان دەست ژ جوانیێن کوردستانێ بەرنەداینە. لێ جڤاکا هەرێما کوردستانێ ب ئاوایەکێ سیستەماتیک دەستا ژ چاندا ڕەسەن بەر ددەن، هەلبەت جل و بەرگ و چاند و تیتال ناسنامەیا هەر مەمللەتەکی نە. لێ جڤاکێ دەست ژ وێ چاندا جوان یێ بەردای و گرۆڤا وێ چەندێ ژی، حکومەتا کوردستانێ رۆژا 10 ئادارێ کریە رۆژا جلکێن کوردی. باندۆرا چاندا بیانیان ل ڤێ خالێ ژی ب سنوور نەما. کو ئەڤە چەندین سالە ل هەرێما کوردستانێ و باژارێ دهۆکێ یا دەست ژ خەلاتێ بووک و زاڤای بەردای. د ناڤا شەهیانێدا خوارنێ د خون لێ زاڤای شایستەی خەلاتی نابینن. ئەڤ خەلاتە وەک چاندەک ل وەلاتێن هەری پێشکەفتی و خوەدی ئابووریەکێ بهێز و تاکێ وان وەلاتان داهاتێ وان د ئاستەکێ گەلەک بلند دا یە. لێ ئەڤ خەلاتێ رۆژێن شەهیانێ د هێتە پێشکێش کرن. 
لێ هەرێما کوردستانێ هێشتا د ئالیێ ئابووریدا نە ل رێزا وەلاتێن خوەدی ئابووریەکا بهێزە. بۆ میناک ژی، مرۆڤ گەلەکجاران ل ناڤەندا باژارێ دهۆکێ ل دەمەکێ کورت نەشێت ژ بەر وان کەسێن خازۆکییێ دکەن خوە گیرۆ بکەت. ل ڤێ چەندێ ژی نەسەکنینە یێن دەستێن خوە درێژی جڤاتێن بەهیان ژی کرینە. و دخوازن بەهیا گەلەک کێم بکەن و هەما خوارنا وێ ب ئێکجاری نەهێلن. لێ هەموو ئالی و ناڤەرۆکا بابەتی ناهێنە نرخاندن. ئەگەر دێ جوانیا جڤاکا کوردستانێ دیارکەن. ئەو ژی چاندا جهێ شانازیێ ددەتە دیارکرن، کو ب درێژاهیا دیرۆکێ کورد شانازیێ پێ بکەن.
ئێک: هەتا ئەڤرۆکە ژی ل هەردو دەڤەرێن بۆتان و هەکاریێ، دەما شاهیان خەلاتێ پێشکێشی زاڤا و بووکێ دکەن، کو ئەڤە ب سەرێ خوە جوانیا چاندا کوردی ددەتە خوەیاکرن کو پالپشتیەکا بهێزە د ئالیێ ئابووری و مۆرالیدا بۆ ئاڤاکرنا مالەکا نوو.
دوو: بارسڤکیەکە ژی بۆ مالباتا زاڤای، هەر چنەبیت خەرجیا خوارنا شەهیانێ بۆ دزڤریت، و جوانیەکا دیا چاندا کوردستانێ نە. و ئەڤ خەلات و دیاریە د ئالیەکێ دیدا، دێ بیتە دلخۆشی.
هەلبەت بەهی ژی د ئەڤرۆکە دا یێن بووینە جهێ گەنگەشێ، ل هەکاریەتێ و بۆتان،کەسێن بەرهەڤ بەشداریێ د ڕێوڕەسمێن بەهیان دا د کەن، ئێک: ل دەف وان ژی دوو: رۆژا ل هۆلا مزگەفتێ جڤاتا بەهیێ د هێتە دانان و پێشوازیێ ل کەسوکار و دۆستێن خوە دکەن، لێ دگەل هندێ ژی بۆ کەسێن دوور برێکا پەیوەندیێ ژی، پێشوازی ل پەیامێن سەرساخیێ د هێتە کرن. ڕۆژا سێیێ ژی خێرا مری د هێتە دان.
هەر کەس د چیتە سەر کارێ خوە، ئەگەر ڕۆژا پاشتر ژڤانێ شەهیانێ ژی د ڕێکێ دا هەبیت، دشێن ب ئاوایەکێ دڵخۆشکەر، شەهیان بڕێڤە بچیت. 
زێدەباری خەرجیا بەهیێ بهەڤرا هەموو کەسوکار و گوندی، ئەو دراڤ و تێچوویێن بەهیێ ل سەرخوە دابەش دکەن و ناهێلن ئێک قوریش مالا کەسەک ژێ مڕی بدەت. لێ ل دەڤەرا مە، یا بەرۆڤاژی ڤێ چاندا جوان بووی،جڤاتا بەهیێن زەنگینان ئێکجار د جودانە، ئەو بەهیچیێن خوە د بەنە خوارنگەهەکا پێشکەفتی و خەرجییەکا ئێکجار مەزن د مەزێخن. ئەڤ چەندە ژی بوویە چاندەکا کرێت، کو مالباتا دەستکورتەکی، ل مال ئان ل هولەکێ، خوارنا بەهیچیان دروست دکەت.پرانی ژی خەرجی و تێچوویێن بەهیێ نادەن، ئەو خەرجی و بارگرانی ژی وەک چاوا مالا زاڤای د کەڤیتە سەر مالا بەهیێ ژی. ڤێجا لجهێ ل چاندا خوە یا ڕەسەن و ل جوانی و دلۆڤانیا وێ ڤەگەرن یێن هەولدەن قەدەغە دکەن، کو ئەڤ چەندە ژی نە پارچەکە ژ چاندا کوردان. لێ بهەڤکاریا هەموو ئالیەکی دێ جوانیا چاند و تیتالێن کوردان وەک خوە مینیت.