چەندین جورێن فێقی و زەرزەواتی برێكێن سرۆشتی و ھشككرنێ، بۆ وەرزێ زڤستانێ دھێنە هەلگرتن. ئەحمەد ئەدنی وێنەگرێ بەرنیاسێ باژێرێ دهۆكێ، وێنێ جوتیارەكێ دەڤەرا بەرواری بالا بلاڤكریە و دوو ئیشیێن تری ددەستێ وی دانە و دبێژیت: «عوبەید موسا جوتیارەكێ (گوندێ راڤینا)یە سەر ب دەڤەرا بەرواریا ڤە و ئەڤە چەندین سالە تریێ زەركی یێ رەزا برێكێن سروشتی د هزێلكا دا د پارێزیت و بۆ وەرزێ زڤستانێ و ل مەها شواتێ بۆ مەرەمێن خوارن و دیاریا ژ ناڤ هزێلكێ دەردئێخیت». ئەدنی ژ زاردەڤێ ڤی جوتیاری نڤیسییە، ئەو ڤی تری ل پایزەكا درەنگ ژ رەزی دچنیت و برێكین كەڤنە شوپێن باب باپیران، ب چلیێ دارێن مازی د نخێڤیت و تا ئەڤ ترییە تا دووماهیا زڤستانێ ژی وەك خوە دمینیت، بێی كو خراب بیت.
