هەبوونا یەدەگەكێ زور یێ نەفت و گازا سروشتی (غاز)ێ ل هەرێما كوردستانێ، فۆكسا رۆسیا و ئەمریكا و وەلاتێن زلهێزێن جیهانێ ل سەر هەرێما كوردستانێ یە و دیسان دكەڤیتە سەر چەندین هێلێن ستراتیژی یێن ڤان هەردوو جەمسەرانگرنگە هەرێما كوردستانێ هەڤسەنگیەكا ئەقلانە بەرامبەر پرۆژێن ئەمریكا و رۆژئاڤا، دگەل پرۆژێن رۆسیا و چینێ كو ب رێیا ئیرانێ د ناوچێدا دهێنە جێبەجێكرن ب راگریت، چونكە هەردوو لایان گرنگی و هەژمون و كاریگەریا خۆ د دەڤەرێدا هەیە. ئەگەر هەرێما كوردستانێ ب ئاشكەرایی مەیلا خو بۆ ئەمریكا و رۆژئاڤا ببەت، ئوتوماتیكی مەترسی دكەڤیتە سەر هەرێما كوردستانێ ژ رویێ ئابووری و سیاسی و لەشكەری ڤە، چونكە ئێراق رۆژ ب رۆژ زێدەتر دكەڤیتە ژێر كونترولا ئیرانێ و ئیران بریكارێ سەرەكی یێ سیاسەتا رۆسیا و چینێ یە د رۆژهەلاتا ناڤەراستدا و هەژمونا وێ د حوكومرانیا ئێراقێ دا ل گوپیتكێیە و هەر دەمێ ڤیا وەك نوكە دشێت دەستێوەردانان د ئێراقێ دا بكەت، هەم یێن دارایی هەم یێن سیاسی و ئەمنی و ئەڤەژی نموونەكا بەرچاڤە كو ئەڤ كێشەیێن نۆكە دناڤبەرا هەردوو حكومەتێن ئێراقا فیدرال و هەرێما كوردستانێ دا، ئیران ئەگەرە و ل دویڤ بەرژەوەندیێن خو سەرەدەریێ دكەت و هەر بریارەكا د بەرژەوەندیا وێدابیت، ل سەر حكومەتا ئێراقێ دسەپینیت بەرامبەر هەرێما كوردستانێ. دیسان ژ رویێ یاسایی و سیاسی، دەستێوەردانێت ئاشكەرا د ئێراقێ دا دكەت ب رێیا دادگەها فیدرالی و پەرلەمانێ ئێراقێ كو زورینەیا پەرلەمانێ ئێراقێ ئەو هێز و لایەنن یێن دبن كونترولا ئیرانێ دا. ئەگەر هەرێم مەیلا خو بۆ لایێ رۆسیا و چینێ ببەت، دیسان دێ كەڤیتە ژێر فشار و مەترسیێن ئەمریكا و رۆژئاڤا و ئەو دشێن كۆمەكا فشاران بێخنە سەر هەرێما كوردستانێ و مەترسیا نەفتا هەرێمێ یە و دەربازبوونا وێ بۆ دەرڤە و بلۆككرنا پارێن نەفتێ د بانكێن رۆژئاڤادا. دیسان تا رادەیەكی دشێت فشارێ ل سەر حكومەتا ئێراقێ بكەت، كێشا بۆ پرسێن بودجە و موچەییێن فەرمانبەرێن هەرێمێ چێكەت. دیسان دێ وان هاریكاری و پشتەڤانیێن سەربازی و لوجستی و دارایی بۆ پێشمەرگەی راگرن و دێ رۆلێ هەرێمێ ژ رویێ سەربازی ڤە ئێخنە ژێر مەترسیێ و هەر لێكدانەكا سەربازی ل دەڤەرێ چێببیت، بۆ نموونە وەك هێرشا داعش بۆ سەر هەرێما كوردستانێ دێ مەترسیێن جددی بۆ سەر هەرێما كوردستانێ پەیدا بن. دیسان دشێین دەرگەهێن دپلوماسی ل سەر هەرێمێ بگرن یان سنوردار بكەن و گەلەك كارتێن دی یێن كاریگەر ژبەركو گرنگی یا جوگرافیا هەرێما كوردستانێ و هەبونا یەدەگەكێ زور یێ نەفت و گازا سروشتی (غاز)ێ ل هەرێما كوردستانێ، فۆكسا رۆسیا و ئەمریكا و وەلاتێن زلهێزێن جیهانێ ل سەر هەرێما كوردستانێ یە، دیسان دكەڤیتە سەر چەندین هێلێن ستراتیژی یێن ڤان هەردوو جەمسەران.