دەما مە گوتیێ زمانێ عەرەبی چ گرنگییا خوە ھەیە بۆ مە كوردان، كو ئەم بەرنامان ب وی زمانی پێشكێشی نەتەوەیەكێ دی بكەین؟ د بەرسڤا خوەدا گوت: «مە كوردان پێدڤی ب ھەر تشتەكی ھەیە و پێدڤییە نەتەوەیێن دی ژی مە ناس بكەن و ژبیرنەكەین، كوردستان ل سەر چار پارچان یا دابەشكریە و دوو پارچە ژێ عەرەبن». ھەیفا كوچەر زێدەتر گوت: «ئەڤە 16 سالە ئەز ل رادیویا مووسل بێژەریێ دكەم و پێشكێشكرنا بەرنامەیان، ل مووسلێ خێزانێن كوردان یێن ھەین و ئەو دگەل عەرەبان دژین، تێكەلیێن وان یێن ھەین و پێدڤییە ئەم خیتابا كوردی بگەھینینە وان و ئەگەر مە بڤێت كەلتورێ خوە، رەوشەنبیرییا خوە، ھونەرێ خوە بگەھینینە وان، پێنەڤێت یان دێ ب وەرگێرانێ بیت یان ژی برێكا راگەهاندنێ و ژبەركو ئەز دزمانێ عەرەبیێ دا یا شارەزا و دەستھەلم ژی، بۆ من گەلەك خۆشە ئەز بڤی ئەركی رابم».
