رۆژانی17 تا 21/3/2025 لە كۆستاناڤارینۆ لە یۆنان، 144 -ەمین كۆنگرەی لیژنەی ئۆڵۆمپی نێودەوڵەتی دەبەسترێت، گرنگترین بڕگەی ئەم كۆنگرەیە، دەیەمین سەرۆكی لیژنەی ئۆڵۆمپی نێودەوڵەتیی هەڵدەبژێردرێت.
ئاهەنگی كردنەوەی كۆنگرەكە، لە شوێنی ئۆڵۆمپیادی كۆن دەبێت، لێرەدا تەواوی بەرنامەی كاری ئەم كۆنگرەیە بڵاودەكەینەوە:
1 -رۆژی دووشەممە 17/3/2025 سەعات 9 -ی سەرلەبەیانی تا 5 ئێوارە كۆبوونەوەی كۆمیتەی جێبەجێكاری لیژنەی ئۆڵۆمپی نێودەوڵەتی دەكرێت.
2 -رۆژی سێشەممە 18/3/ 202 سەعات 3 تا 4.30 ئێوارە لە شوێنی ئۆڵۆمپیادی كـــــــۆن، مـــــەراسیمی ئاهەنـــگی كردنەوەی 144 -ەمین كۆنگرە دەبێت.
3 -رۆژی چوارشەممە 19/3/2025، سەعات 9 -ی بەیانی تا 5 -ی ئێوارە، یەکەمین رۆژی كۆنگرە دەبێت، پاشان سەعات 6 -ی ئێوارەی هەمان رۆژ، كۆنگرەی رۆژنامەوانیی دەبەسترێت.
4 -رۆژی پێنجشەممە 20/3/2025 سەعات 9 -ی بەیانی تا 5 -ی ئێوارە، رۆژی دووەمی كۆنگرە دەبێت، لەو نێوەندەدا، سەعات 3.30 - ی پاشنیوەڕۆ، سەرۆكی نوێی لیژنەی ئۆڵۆمپی هەڵدەبژێردرێت.پاش راگــــەیاندنی ئـــــەنجامەكان، سەعات 6 -ی ئێوارە، سەرۆكی نوێی هەڵبژێردراو، كۆنگرەیەكی رۆژنامەوانی دەبەستێت.
5 -رۆژی هەینی 21/3/2025 سەعات 9 –ی بەیانی تا 12 -ی نیوەڕۆ، رۆژی سێیەمی كۆنگرە دەبێت، سەعات 1 –ی پاشنیوەڕۆی هەمان رۆژ، دوا كۆنگرەی رۆژنامەوانی دەكرێت و تەواوی كارەكانی کۆنگرە كۆتاییان دێت.
