باسكەی یانەكانی عیراق

دیفاع جەوی یەكەم یانەی سەركەوتووە بۆ قۆناغی دووەمی پلەی ئۆف

یارییەكانی هەردوو قۆناغی یەكەم و دووەمی خولی پیشەگەرەكانی باسكەی یانەكانی عیراق كۆتاییانهات و ئێستا ئەم خولە، پێی ناوەتە قۆناغی پلەی ئۆفەوە كە یەكەم تا هەشتەمی ریزبەندیی كۆتایی، بەشداریی تیادا دەكەن.
هەر تیپێكی بەشدار لەم خولەدا، 18 یاریی كرد، چونكە 10 یانە بەشداریی خولەكە بوون، پاش ئەوەی یانەی دەربەندیخان كە یەكێك بوو لە یانە بەشدارەكان، پاشەكشەی كرد و 10 تیپ مانەوە.
لە خولەكەدا تەنیا دوو یانەی كوردستان بەشدارن، ئەوانیش زاخۆ و غازی باكووری شاری كەركوك -ە، زاخۆ شەشەم و غازی باكووریش حەوتەمی ریزبەندیی بوو، پاش تەواوبوونی سەرجەم یارییەكانی قۆناغی یەكەم و دووەمی خولەكە، ریزبەندیی كۆتایی بەمشێوەیەی لێهات، پاش ئەوەی هەر تیپە و 18 یاریی كرد:
-1 دیجلە جامیعە (14 بردنەوە)(4 دۆڕان)(33 خاڵ).
-2 دیفاع جەوی (15 بردنەوە)(3 دۆڕان)(33 خاڵ).
-3 شورتە (12 بردنەوە)(6 دۆڕان)(30 خاڵ).
-4 كەرخ (8 بردنەوە)(10 دۆڕان)(30 خاڵ).
-5 حەشدی شەعبی (9 بردنەوە)(9 دۆڕان)(30 خاڵ).
-6 زاخۆ (11 بردنەوە)(7 دۆڕان)(29 خاڵ).
-7 غازی باكوور (9 بردنەوە)(9 دۆڕان)(27 خاڵ).
-8 حللە (7 بردنەوە)(11دۆڕان)(27 خاڵ).
-9 كارەبا (3 بردنەوە)(15 دۆڕان)(23 خاڵ).
-10 تیجارە (2 بردنەوە)(16 دۆڕان)(20 خاڵ).
بەم ئەنجامانە، هەروەك ئەوەی لە خولی باسكەی ئەمریكادا پەیڕەو دەكرێت، یەكەم تا هەشتەمی ریزبەندیی، بۆ قۆناغی یەكەمی پلەی ئۆف سەركەوتن، هەردوو یانەی كارەبا و تیجارەش ئاوت بوون، پاشان بە سیستمی 1×8، 2×7، 3×6، 4×5، یارییەكانی پلەی ئۆف دەكەن، لەم قۆناغەشدا هەركام لە تیپەكان توانی لە كۆی 5 یاریی، 2 + 1 یاریی لەویتر باتەوە، ئەوا دەگاتە قۆناغی دووەمی پلەی ئۆف.
ئێستا یارییەكانی قۆناغی یەكەمی پلەی ئۆف دەستیانپێكردووە، هەر تیپە و 2 یاریی كردووە و ئەنجامی ئەو دوو یارییەی كردوویانە بەمجۆرەیە:
-1 دیجلە جامیعە 1 × 1 حللە.
-2 دیفاع جەوی 3 × 0 گازی باكوور.
-3 شورتە 2 × 0 زاخۆ.
-4 كەرخ 1 × 1 حەشدی شەعبی.
رۆژی هەینی رابردوو، 28/2 یارییەكی تری نێوان یانە بەشدارەكان كرا، لەم یارییەدا دیفاع جەوی 121 – 60 لە تیپی یانەی غازی باكووری بردەوە و بوو بە یەكەم یانەی سەركەوتوو لەم قۆناغەوە بۆ قۆناغی دووەمی پلەی ئۆف.
رۆژی یەکشەممەی رابردووش، 2/3/2025، كەرخ  و حەشدی شەعبی رووبەڕوی یەكتر بوونەوە، كەرخ توانی ئەم یارییە بباتەوە و 2-1 بەرامبەر حەشدی شەعبی پێشبكەوێت.
دەبێت دوێنێش دووشەممە 3/3، دیجلە جامیعە و حللە –ەش یارییەكی تری نێوانیان كردبێت.
لە قۆناغی دووەمی پلەی ئۆفیشدا براوەكان بەمشێوەیە هەر بە سیستمی 2 + 1 لە كۆی پێنج یاریی،  لەگەڵ یەكتریی یاریی دەكەن:
*براوەی یاریی 1 × براوەی یاریی 4.
*براوەی یاریی 2 × براوەی یاریی 3.