بەگوێرەی نوێترین توێژینەوە كە لە میسر كراوە، دەرکەوتووە کە خواردنی پارشێو لە رەمەزاندا، سوودێكی گرنگ بە تەندروستیی كەسی رۆژوەوان دەگەیەنێت.
لەوبارەیەوە دكتۆر هەواڵ لەتیف، پسپۆڕی خۆراك بە كوردستانی نوێ –ی راگەیاند: خواردنی پارشێو لە مانگی رەمەزاندا سوودێكی باش بەكەسی رۆژووەوان دەگەیەنێت، بەتایبەتش ئەگەر ژەمی پارشێو پڕبێت لە پرۆتین و ڤیتامینەکان كە سیستەمی بەرگریی لەش دەپارێزێت لە كۆمەڵێك نەخۆشی.
جەختیشیكردەوە لەوەی كە كەسی رۆژووەوان لەكاتی پارشێودا پێویستە خورما و هێلكە و ماست و شیر و جۆرەكانی چەرەسات بخوات، بەتایبەت بادەم، چونكە ئەو خواردنانە دەبنەهۆی دووركەوتنەوە لە نەخۆشیی هەوكردنی قۆڵۆن، بەپێچەوانەی پاقلەمەنییەكان.
هەر لەوڕووەوە ئەو پزیشکە ئامۆژگاریی كەسانی رۆژووەوانان دەكات و دەڵێت: پێویستە میوە و سەوزە زۆر بخورێت لەدوای رۆژوو شكاند تا كاتی پارشێو، چونكە سەوزەکان دەبنەهۆی دووركەوتنەوە و هەستنەكردن بە تێنوێتی و دوورکەوتنەوە لە بەرزبونەوەی پاڵەپەستۆی خوێن.
