لەمیانەی بەشدارییكردنی لە فێستیڤاڵێكی تایبەت بەكاریكاتێر لە میسر، كاریكاتێستێكی شاری هەولێر، خەڵاتی فیستیڤاڵەكە بەدەستدەهێنێت، كە تایبەت بووە بە(بەهێزكردنی ئابووریی ژن). لەوبارەیەوە جەبار سابیر كاریكاتێست و خاوەنی خەڵاتەكە بە كوردستانی نوێی راگەیاند: لە فێستیڤاڵیی(دەمنهووری) نێودەوڵەتیی بۆ كاریكاتێر، كە لە 16/2/2025 لە میسر بەرێوەچوو، تێیدا 301 كاریكاتیستی پیشەوەر لە 44 وڵاتی جیهان بەشدارییان تێداكرد، ئێمە وەكو كوردێك و كاریکاتێستێكی شاری هەولێر، خەڵاتی تایبەتی فیستیڤاڵەكەمان بەدەستهێنا.