یەکێک لەو دیارییە بەنرخانەی کە حکومەت لەیادی راپەڕیندا پێشکەشی رانیەی کرد و بە رەسمیی کرایەوە، هۆڵى رۆشنبیریى رانیەیە. لەوبارەیەوە هیوا مستەفا بەڕێوبەری رۆشنبیریی راپەڕین بە کوردستانی نوێ -ی راپەڕینی راگەیاند: ئەم پرۆژەیە، لە ساڵى 2018 ـەوە دەستیپێکرا و بڕی دوو ملیار و 643 ملیۆن دیناری تێچووە. ئەگەرچی ماوەیەک کارەکانی راگیرا، بەڵام دواتر لەسەر بڕیارى قوباد تاڵەبانى جێگری سەرۆکی حکومەت دەستکرایەوە بە کارکردن تێیدا و تەواوکرا و بەسوپاسەوە سەرۆکی دامەزراوەی «ڤیم» و ئیدارەی ناوچەکە ئاستەنگەکانی بەردەم هۆڵەکەیان چارەسەرکرد.
ئا: رۆشنا بابەکر
