یارییەکانی خولی ئەستێرەكانی عیراق

سبەی نەورۆز یاریی هەیە

لە دوێنێ چوار شەممە 12/3/2025 – ەوە،خولی تۆپی پێی ئەستێرەكانی یانەكانی عیراق، پێی ناوەتە هەفتەیەكی نوێی یارییەكانییەوە كە هەفتەی 24  –ی یارییەكانە، لە ماوەی سێ رۆژدا، چوار شەممە تا سبەی هەینی، سەرجەم یارییەكانی ئەم هەفتەی نوێیە دەكرێن، لەگرنگترین یارییەكانی ئەم هەفتەیەدا، نەورۆز لە دەرەوەی یاریگای خۆی دەبێتە میوانی یانەی تەڵەبە، زەورا لە هەولێر یاریی دەكات، زاخۆ میوانداریی نەجەف دەكات، قووەجەوی و كەرخ دێربییەكی بەغدا دەكەن، شورتە لە عەمارە لەگەڵ یانەی مەیسان یاریی دەكات.

یارییەكان
چوارشەممە 12/3/2024
* زەورا × هەولێر – لە یاریگای زەورا.
*مینا×نەجەف – لە یاریگای فەیحا.
*دیالە × دهۆك – دواخرا.
پێنجشەممە 13/3/2024
*زاخۆ × نەفت – لە یاریگای زاخۆ.
*نەوتی مەیسان × شورتە – لە یاریگای عەممارە.
*كارەبا × كەربەلا – لە یاریگای زەورا.
*ئەلقاسم × حدود – لە یاریگای نەجەف.
هەینی 14/3/2025
* قووەجەوی  ×  كەرخ -لە یاریگای شەعب.
* كەرمە × نەوتی بەسرە - لە یاریگای رومادی.
*تەڵەبە  × نەورۆز– لە یارگای ئەلمەدینە.
تیپەكانی كوردستانی بەشدار لەم خولەدا (نەورۆز، دهۆك، زاخۆ، هەولێر) تاڕادەیەك ئەنجامەكانیان دڵخۆشەكەرن، بە تایبەتی هەردوو یانەكەی شاری دهۆك، زاخۆ لەپلەی یەكەمی ریزبەندیی و دهۆكیش شەشەم ریزبەندییە.
بەڵام هەردوو یانەی هەولێر و نەورۆز لەئاستی خوارترەوەن، هەردووكیان لە ناوەڕاستی خشتەی ریزبەندیدان، هەولێر دەیەم و نەورۆز یانزەیەمینی ریزبەندییە.

ئەنجامەكانی نەورۆز
تیپی یانەی نەورۆز لەم خولەدا، ئەنجامەكانی خراپ نین، ئەمانەی خوارەوە دوا ئەنجامەكانی نەورۆزە لە سەرەتای مانگی شوباتەوە تا ئەم هەفتەیەی یاریەیكان: 
*رۆژی 4/2 لە بەسرە  4 - 1 لە مینای  بردۆتەوە. 
*رۆژی 10/2، دێربی كوردستانی 2-0 لە هەولێر بردەوە.
*دواتر، رۆژی شەممە 15/2، لە نێو یاریگا و هاندەرانیدا 1-1 لەگەڵ زەورا یەكسان بوو.
*رۆژی 20/2، لە هەفتەی 21- دا، لە بەغدا ئەنجامێكی باشی تری تۆما ركرد و ئەمجارە 4-1 لە دیالەی بردەوە.
*بەڵام لە هەفتەی 22 دا، لەدەرەوەی یاریگای خۆی 0-2 بە كەرمە دۆڕا.
*لە هەفتەی 23 دا، رۆژی 9 –ی مارس، میوانداریی لە قووە جەوی كرد و 0-1 ئەم یارییەشی دۆڕاند.
سەبارەت بە یانەی زاخۆ، بەر لە یارییەکانی ئەم هەفتەیە، بە 46 خاڵ، هەر لە لووتكەی ریزبەندیدا ماوەتەوە و زەورا دووەم و شورتە سێیەمە و قووەجەویش چوارەمی ریزبەندییە، بەڵام شورتە دوو یاریی كەمتری لە زاخۆ و زەورای یەكەم دووەم كردووە، تەنیا 2 خاڵیش لە دوای ئەو دوو یانەیەوەیە و سێیەمی ریزبەندییە، یەكەم تا شەشەمی ریزبەندییش بەمشێوەیەیە:
-1 زاخۆ (23 یاری)(46 خاڵ).
-2 زەورا (23 یاری)(46 خاڵ).
-3 شورتە (21یاری)(44 خاڵ).
-4 قووەجەوی(23 یاری)(41 خاڵ).
-5 تەڵەبە (22 یاری)(37 خاڵ).
-6 دهۆك (19 یاری)(34 خاڵ).