یەکەم سەرۆکی ژن لە نامیبیا دەستبەکار بوو

نێتۆمبۆ ناندی-ندایتوا بە فەرمی وەک یەکەم سەرۆک ژنی نامیبیا دەستبەکاربوو. 

سەرۆکە نوێکە لە ڕێوڕەسمێکدا سوێندی یاسایی خوارد و بەڵێنی دا ئابووری وڵاتەکەی گەشە پێبدات و بەرەنگاری کێشەی بێکاری ببێتەوە. 

ناندی-ندایتوا  تەمەنی 72 ساڵە  و لە هەڵبژاردنەکانی مانگی نۆڤەمبەری رابردوودا سەرکەوتنی بەدەستهێنا و بوو بە یەکەم ژن کە پۆستی سەرۆکایەتی لە نامیبیا وەربگرێت.

ناندی-ندایتوا پێشتر پۆستی جێگری سەرۆکی هەبووە و لە هەڵبژاردنەکاندا توانیویەتی سەدا 58ی دەنگەکان بەدەستبهێنێت.