لەدوای دەستگیرکردنی ئەکرەم ئیمام ئۆغلۆ سەرۆکی شارەوانیی ئیستانبۆڵ لەلایەن پۆلیسەوە و تۆمەتبارکردنی بە ساختەکاریی و گەندەڵی، ناڕەزایی و خۆپیشاندانەکان و هەڵسوکەوتی حکومەت بەرامبەر بەم پرسە، فاینشنال تایمزی بەریتانی نووسیویەتی، پاشەکشەی دیموکراسی لە تورکیا کە ناوەندێکی گرنگ و ستراتیژییە بۆ ئەوروپا و جیهان، جێی مەترسییە و نەخشە بۆداڕێژراوە.
لەدوای هەڵبژاردنەوەی ترەمپ لە ئەمریکا، ئێستا زەمینەیەکی لەبار هەیە بۆ تۆکمەبوونی دیکتاتۆر و دەسەڵاتە تاکڕەوەکان لە سەرانسەری جیهاندا، چونکە ترەمپ پەیوەندییە دیپلۆماسییە نێودەوڵەتییەکان هەڵدەوەشێنێتەوە و بایەخ بە تاکڕەویی دەدات، بۆیە دەبێت ئەوروپیەکان بەچاوێکی تیژەوە بڕواننە دۆخەکە و نەهێڵن تورکیای داهاتوو بچێتە ژێر رکێفی سەرۆکی ئەمریکاوە.
