كەڤنترین مزگەفتا باژێرێ دھۆكێ یە

 (220) سالە ب بەردەوامی نڤێژ ل مزگەفتا ناحیا دارەتۆ یا سەر ب قەزا بەردەرەش ڤە دھێنەكرنێ و دەستپێكا درۆستكرنا وێ، بۆ سالا (1805) دزڤریت و ب كەڤنترین مزگەفتا ل سەر شێوازێ كەڤن یێ ئاڤاكرنا مزگەفتان دھێتەناسكرنێ و تا نۆكە وەك خوە مایی. (فەیزوللا میكائیل) ئێك ژ ئاكنجیێن ناحیا دارەتوویە و زێدەترە ژ 46 سالان ئەو و مالباتا خوە خزمەتا ڤێ مزگەفتێ دكەن، لدوور ڤێ مزگەفتێ دبێژیت: «كەڤناتیا ئاڤاھیێ ڤێ مزگەفتێ بەرێ گەلەك خەلكی و ئەڤێن گرنگییێ ب ئاڤاھیێن كەڤن و شوینەواران ددەن سەرەدانا وێ بكەن و بوویە جهەكێ كەلتوری و ئاینی یێ باب و باپیران». 
ئەڤ مزگەفتە ل سەر رووبەرێ 300 مەترێن چوارگوشە هاتیە ئاڤاكرنێ و دیوارێن وێ ژ ئاخێ هاتینە دروستكرن و فرەھییا هەر دیوارەكێ وێ ئێك مەتر و بانێ مزگەفتێ ژی ژ كاریتەێ و قامیشی هاتیە دروست كرن و هەر ژ ئاڤاكرنا مزگەفتێ و تا نۆكە چەند جاران هاتیە نوژەنكرن و ئێكەم نوژەنكرنا وێ ژی بۆ سالا 1955ێ دزڤریت و نوژەكرنا دوویێ ژی ل سالا 2019ێ بۆ هاتیە كرن، بێی كو دەستكاری د شێوازێ ئاڤاكرنا وێدا بھێتەكرن. 
محەمەد جەلیل