مەحفوز مایی بەحسا پەرتووكا خوە دكەت
سیتافكا پەیڤان ناڤێ دیوانا چارێ یا هەلبەستڤان (مەحفوز مایی)یە و دا ژ نزیك بزانین، بۆچی ئەڤ ناڤە و پەرتووك چەند هەلبەستان بخوەڤە دگریت و ناڤەرۆكا هەلەبەستێن وی ل سەر چییە، مەحفوز مایی گوت: «هەر تشتەکی و هەر تەنەکی سیتاڤکا خوە هەیە، هەروەسا پەیڤێ ژی سیتاڤکا خوە هەیە. ئانکو هەر پەیڤەک مەبەستەکێ دگەل خوە هەلدگریت و نە هەما ئەوە یا دهێت خواندن و هەلبەستێن ڤێ دیوانێ باهرا پتر د نوینە و دڤان دو سالێت بوریدا هاتینەداڕشتن و کتەک کەڤنتر ژی دگەلدایە. هەروەسا وەک نموونە چەند کۆپلەک ژ هندەک هەلبەستێن کو بووینە ستران تێدانە و پێش وەخت هونەرمەندێ مە ئەو ستراندنە و سەبارەت ڤێ دیوانێ ژی، ئەڤە بەرهەمێ من یێ چوارێ یە و ئەڤ دیوانە ب هەردو پیتێن (لاتینی و ئارامی) هاتیە نڤیساندن، ژبەرکو کوردێن مە یێن باکوور و ڕۆژئاڤا ئەو ژی بشێن بخوینن و پەرتووك بخوە ژی ژ 280 ڕووپەلا پێکدهێت».
