بڕیارە لەمڕۆوە یەكشەممە پڕۆسەی وەرگرتنی گەنم لە سایلۆی سلێمانی، دەستپێبكرێتەوە.
لەوبارەیەوە، كامەران وریا بەڕێوەبەری سایلۆی سلێمانی رایگەیاندووە: لەسەر داوای وەزارەتی بازرگانیی عیراق، جارێكی دیكە پڕۆسەی وەرگرتنی گەنم دەستپێدەكەنەوە بۆ ئەو جووتیارانەی كە تائێستا بڕی تەواوی گەنمەكەیان رادەستی سایلۆ نەكردووە، وتیشی: ئەو بڕیارە لە بەرژەوەندیی جووتیارانە و ماوەی وەرگرتنی گەنم درێژكراوەتەوە.
ئاماژەی بەوەشكردووە كە لەمڕۆوە یەكشەممە پڕۆسەی وەرگرتنی گەنم لە سایلۆی سلێمانی دەستپێدەكرێتەوە و تا رۆژی پێنجشەممە بەردەوام دەبێت.
