مەكتەبی سیاسیی ی.ن.ك، بەبۆنەی بەستنی كۆنگرەی گشتیی یەكێتیی ژنانی كوردستانەوە، پەیامێكی بڵاوكردەوە، ئەمە دەقەكەیەتی:
بەڕێزان ئەندامانی كۆنگرەی گشتیی یەكێتی ژنانی كوردستان
بەبۆنەی بەستنی كۆنگرەی یەكێتییەكەتانەوە، هیوای سەركەوتنی كارەكانتان بۆ دەخوازین و ئومێدەوارین دروشمی دێرینی پڕ جۆش و خرۆشتان (ژن، خەبات، ژیان) زیاتر گەشەپێبدەن بۆ داكۆكیكردن لە مافەكانی كچان و ژنانی كوردستان.
بەڕێزان؛ مێژووی چەندین ساڵی تێكۆشانی ئێوە شاهیدە كە توانیوتانە رۆڵتان هەبێت لە دەرفەت رەخساندن بۆ خستنەڕووی تواناكانی كچان و ژنان، كە لە چەندین بواردا خزمەت بە گەل و وڵاتەكەمان بكەن.
بەستنی كۆنگرەی گشتیی یەكێتیی ژنانی كوردستان، گوڕوتینێكی زیاتر بەو رۆڵەتان دەبەخشێت لە هێنانەپێشەوەی كچان و ژنانی بەتوانا و كارامە لە بوارە ژیارییەكانی كۆمەڵدا
دیارە بەستنی كۆنگرە و پێداچوونەوە و گۆڕانكاری لە تێكۆشانی رێكخراوەیتاندا، گوڕوتینێكی زیاتر بەو رۆڵەتان دەبەخشێت لە هێنانەپێشەوەی كچان و ژنانی بەتوانا و كارامە لە بوارە ژیارییەكانی كۆمەڵدا، بۆ ئەوەی یەكێتیی ژنان هەمیشە سەرچاوەی هێز و هیوای پێگەیشتنی ژنانی كوردستان بێت لە كایەی گشتی كۆمەڵ و بەشداری سیاسیی لە جومگەكانی حومكڕانی و بزووتنەوەی سیاسی و كۆمەڵایەتی وڵاتەكەماندا.
دووبارە سەركەوتن بۆ كۆنگرەكەتان دەخوازین.
مەكتەبی سیاسیی
یەكێتیی نیشتمانیی كوردستان
