ئاژانسی (سانا)ی سوری بڵاویكردەوە، پارتی سۆسیالیستی پێشكەوتنخواز لە لوبنان، دیداری نێوان ئەحمەد شەرع لە كۆشكی گەل لە دیمەشق لەگەڵ وەلید جنبلات سەرۆكی پێشووی ئەو پارتەی بە دۆستانە و راشكاوانە وەسف كرد و وتی: لە دیدارەكەدا دواین پەرەسەندنەكانی سوریا تاوتوێكراون.
لە راگەیەنراوی ئەو حزبەدا هاتووە: جنبلات خۆشحاڵە بە كرانەوەی وڵاتانی عەرەبی و نێودەوڵەتی بەڕووی سوریای نوێدا، ئەو كرانەوانەش وادەكات بەشداربێت لە بەهێزكردنەوەی یەكێتیی خاكی سوریا و ئەمن و ئاسایشدا، ئەوەش رەنگدانەوەیەكی ئەرێنییە لەسەر جێگیریی ئەمن و ئاسایشی لوبنان.
پارتی سۆسیالیستی پێشكەوتنخواز رایگەیاندووە: بەداخەوەن بۆ رووداوەكانی رۆژانی رابردووی سوریا كە ژمارەیەك هاووڵاتی ئەو وڵاتە تێیدا گیانیانلەدەستدا، هەردوولایان پێداگرییان لەسەر رۆڵی دەوڵەتی سوریا كردووە لە پاراستنی گیانی هاووڵاتیان و سەروەریی خاكی سوریا.
