سامسۆنۆڤا نازناوی سیتی برده‌وه‌

11:45 - 2022-08-09
وەرزش
453 جار خوێندراوەتەوە

لیودمیلا سامسۆنۆڤای روسی دووه‌م نازناوی له‌ كاروانی وه‌رزشی برده‌وه‌ كه‌ جامی پاڵه‌وانێتی سیتی شاری واشنتۆنی به‌رز كرده‌وه‌.
سامسۆنۆڤا له‌ یاری كۆتایی پاڵه‌وانێتییه‌كه‌دا رووبه‌ڕووی كایا كانیبی ئیستۆنی بۆوه‌و یارییه‌كه‌شی به‌ 2 كۆمه‌ڵه‌ به‌رامبه‌ر به‌ كۆمه‌ڵه‌یه‌ك لێ برده‌وه‌.
سامسۆنۆڤای ریزبه‌ندی 60ی جیهان له‌م پاڵه‌وانێتییه‌ به‌ به‌هێزی ده‌ركه‌وت و له‌ رێگه‌ی‌ بۆ یاری كۆتایی توانی سێ یاریزانی نێو باشترین شه‌ش یاریزانی پاڵه‌وانێتییه‌كه‌ دوور بخاته‌وه‌.
له‌ یاری كۆتایشدا هه‌رچه‌نده‌ كۆمه‌ڵه‌ی یه‌كه‌م 4-6 دۆڕا، به‌ڵام دوای ئه‌وه‌ به‌ به‌هێزی گه‌ڕایه‌وه‌و كۆمه‌ڵه‌ی دووه‌م و سێیه‌می 6-3 برده‌وه‌.
له‌به‌رامبه‌ردا كایا شكستی هێنا له‌وه‌ی‌ پێنجه‌م نازناو له‌ كاروانه‌كه‌ی و یه‌كه‌م نازناو له‌ماوه‌ی‌ نۆ ساڵی رابردوو بباته‌وه‌.
ئه‌م یارییه‌ش دووه‌م رووبه‌ڕووبوونه‌وه‌ی‌ نێوان هه‌ردوو یاریزان بوو كه‌ ساڵی رابردووش سامسۆنۆڤا له‌ قۆناغی یه‌كه‌می پاڵه‌وانێتی به‌رلین له‌ كایای 37 ساڵی برده‌وه‌.

بابەتە پەیوەندیدارەکان