سکرتێری گشتی نەتەوە یەکگرتووەکان ستایشی عیراق دەکات، دامەزراندنی دوو دەوڵەتیش بە چارەسەری کێشەی ئیسرائیل و فەڵەستین دادەنێت.
ئەنتۆنیۆ گۆتێرێس، لە 34 هەمین لوتکەی عەرەبی رایگەیاند، عیراق لە چەسپاندنی سەقامگیری و بەهێزکردنی دامەزراوەکانیدا بەرەوپێشچوونێکی گەورەی بەدەستهێناوە و نەتەوە یەکگرتووەکانیش پابەندە بە هاوکاریکردنی.
وتیشی، هیچ پاساوێک بۆ ئەو کۆمەڵکوژییەی گەلی فەلەستین نییە و ئیدانەی کۆچپێکردنی زۆرە ملێی دانشتوانی غەززە دەکەین.
سەبارەت بە دۆخی سوریاش وتی، سەقامگیری سوریا گرنگە و پێویستە پشتیوانی لە پرۆسەی سیاسی ئەو وڵاتە بکەین.
