دوێنێ، لە کۆشکی بەغدا، سەرۆک کۆمار پێشوازیكرد لە راوێژكاری نوێی كاروباری باڵیۆزخانەی ئەمریكا لە عیراق.
د.لەتیف جەمال رەشید سەرۆک کۆماری عیراق پیرۆزبایی لە ستیڤن فەیگن كرد بە بۆنەی دەستبەكاربوونی و هیوای سەركەوتنی بۆ خواست لە جێبەجێكردنی ئەركەكانیدا، هەروەها باس لە پەیوەندییە دووقۆڵییەكانی نێوان عیراق و ئەمریكا و چۆنیەتی گەشەپێدانیان لە بوارە جیاجیاكاندا كرا.
سەرۆك كۆمار ئاماژەی بەگرنگی ئەو سەقامگیرییە كرد كە عیراق بەخۆیەوە دەبینێت لە بوارەكانی سیاسی، ئەمنی، ئابووری، گەشەپێدان، هەروەها پەرەپێدانی پەیوەندییەكانی لەگەڵ وڵاتانی ناوچەكە و جیهان، ئەمەش رێخۆشكەرە بۆ فراوانكردنی ئاسۆی هاوكاری لەگەڵ ویلایەتە یەكگرتوەكانی ئەمریكا و خزمەتکردنی بەرژەوەندییە هاوبەشەكان.
ستیڤن فەیگن-یش دووپاتی لە پەرۆشی ئەمریكا بۆ درێژەدان بەهاوكاری لەگەڵ عیراق بۆ گەیشتن بە گەشەپێدان و سەقامگیری، كردەوە.
