عومەر ساڵح حەسەن، فەرماندەی هێزەکانی 70، لە کۆبوونەوەیەکدا لەگەڵ کۆڵۆنێڵ ئاماندا، پاشکۆی سەربازیی ئەمریکا رایدەگەیەنێت کە سەرجەم ئامادەکارییەکانی یەکخستنی هێزەکانیان تەواو کردووە و ئامادەن بچنە سەر وەزارەتی پێشمەرگە.
پێشتر لیوا روکن بەختیار محەمەد، ئەمینداری گشتیی وەزارەتی پێشمەرگە رایگەیاند بڕیارە پرۆسەکە تا 2025 تەواوبێت، بەڵام ئاڵنگاریی سیاسی و دارایی رێگرن؛ ئەمریکاش داوای یەکخستنەوەی تا سەرەتای 2026 کردووە.
