پزیشکیان: تاکە رێگە بۆ کۆتاییهێنان بە جەنگ، راگرتنی بێ مەرجی هێرشەکانی ئیسرائیلە

مەسعود پزیشکیان، سەرۆک کۆماری ئێران، مەرجی بۆ کۆتاییهێنان بە جەنگ دیاریکرد و هەڕەشەی توندکردنەوەی کاردانەوەی وڵاتەکەی بەرامبەر ئیسرائیل کرد.

پزیشکیان، ئەمڕۆ هەینی لە تۆڕی ئێکس نووسیویەتی تاکە رێگە بۆ کۆتاییهێنان بە جەنگ، راگرتنی بێ مەرجی هێرش و دوژمنکارییەکانی ئیسرائیلە.

سەرۆک کۆماری ئێران وتیشی کە کاردانەوەکانیان بەرامبەر دوژمن توندتر دەبێت و وایان لێدەکات لە کارەکانیان پەشیمان ببنەوە.