شارەوانیی جەلەولا، كاركردنی لە پرۆژەی گەورەترین پارك لە گەڕەكی شەهیدان دەستپێكردووە و سەرۆكی شارەوانیش دەڵێت: دەیكەینە جوانترین پارك.
ئەندازیار محەمەد كەریم سەرۆكی شارەوانیی ناحیەی جەلەولا، بە كوردستانی نوێ-ی راگەیاند: پاركێكی گەورە هەبوو لە گەڕەكی شەهیدانی جەلەولا، بەهۆی كەمتەرخەمی و پشتگوێخستنییەوە، بەتەواوی وێران ببوو، هاووڵاتیان گلەیی زۆریان دەكرد لەوبارەیەوە و داواكاربوون نۆژەنبكرێتەوە، وتیشی: دوای دانانی دیزاینێكی نوێ و سەردەمیانە، شارەوانیمان سەرپەرشتی دووبارە جێبەجێكردنەوەی دەكات و دەیكەینە جوانترین پارك.
خانەقین، ئارۆ سامان
