ئۆكتۆبەری راكردنی هێزەكانی پارتی

مەزنترین داستان كە پارتی دیموكراتی كوردستان لە دوای ریفراندۆمەكە و لێكەوتەكانی مانگی ئۆكتۆبەرەوە تۆماریان كرد تەنیا (راكردن و چۆڵكردنی سەنگەرەكان) بوو، بەجۆرێك هێشتا شەڕ لە كەركوك بوو، بەڵام پارتی لە دووری سەدان كیلۆمەترەوە بەبێ شەڕ سەنگەرەكانی چۆڵكرد و رایدەكرد، بەوتەی بەشێك لە فەرماندەكانیان "لە سەرووی خۆیانەوە فەرمانی چۆڵكردنیان پێكراوە"، فەرماندەكانیش بریتیبوون لە "لەشكری گوڵان و فەرماندەی دهۆكی سەر بەپارتی سەرپەرشتی ئاسایشی قەزای شەنگال و ئەوناوچانەیان دەكرد و فەرماندەی ئەو هێزانەش لە ئەستۆی مەسرور و مەنسور بارزانی بوون".

سیروان بارزانی: "16ی ئۆكتۆبەر لە ئەنجامی رێكەوتنی لە پێشینەی  پارتی و حوكمەتی عیراق بووە"
بەوتەی سیروان بارزانی، فەرماندەی سەربازی پارتی لە سنووری گوێڕ و مەخموور و موسڵ، كە لێدوانی بۆ كەناڵەكانی حزبەكەی داوە دەڵێت: "رووداوەكانی 16 ی ئۆكتۆبەر لە ئەنجامی رێكەوتنی لە پێشینەی ئێمە و حوكمەتی عیراق بووە لە 17-10-2016، بۆ كشانەوەی پێشمەرگە لە ناوچەكانی پێش ساڵی 2003 و گەڕانەوەی سوپای عیراق بۆ ناوچەكان و تەسلیمكردنەوەی كەركوك، بەنداوی موسڵ، مەخموور و شەنگال بووە بەسوپای عیراق."

"جەنەراڵی بێ تەقە"
زۆربەی فەرماندە سەربازییەكانی پارتی  بریتیبوون لە (مەسرور بارزانی و مەنسور بارزانی و سیروان بارزانی) كە بوونە جەراڵی شەڕی بێتەقە و راكردن و بەدەستەوەدانی زۆرترین خاكی هەرێم و شكستی گەورەی سەربازی، بەوتەی بەشێك لە فەرماندەكانیان "لە سەرووی خۆیانەوە فەرمانی چۆڵكردنیان پێكراوە".

"پارتی لە جیاتی بەرگریی لە كەركوك و پشتیوانی پێشمەرگە، راكردنی هەڵبژارد"
دوای ریفراندۆمی 25ی ئەیلولی كۆمیتەكەی مەسعود بارزانی سەرۆكی پارتی لە ھەرێمی كوردستان و دەرئەنجامەكانی، 16ی ئۆكتۆبەر روویدا و هێزەكانی 102ی هێزەكانی 70 لە كەركوك لە سەنگەری بەرگریدابوون، ئەوان گوێیان لە تەقە و شەڕی بەرگریی یەكێتیی بوو، بەڵام لە ترسا رایان كرد، راكردنێك ئەوەندەیان پێكرا پردی (پردی – هەولێر) بتەقێننەوە، ئاگاشیان لێبوو كە 39 پێشمەرگەی یەكێتیی نیشتمانیی لە هێزەكانی 70 شەهید بوون، بەڵام هێزەكەی پارتی لە جیاتی بەرگریی لە كەركوك و پشتیوانی پێشمەرگە، راكردنی هەڵبژارد.
لێكەوتەی ریفراندۆم، هەر 16ی ئۆكتۆبەر و رووداوەكەی كەركوك نەبوو، بۆیە جارێكی تر قەزای شەنگال كەوتەوە بەر پەلاماری چەكداری و لە دووەمجاری پەلامارەكانی سەر ئەو قەزایەدا لە لایەن ھێزەكانی شەنگالەوە بێ بەرگری و تەقەكردن چۆڵكرا.

"هێزەكانی پارتی بەبێ تەقە شەنگال- یان چۆڵكرد"
بەھۆی ریفراندۆمی 25/9/2017 ەوە شەنگال و خوشك و برا ئێزدییەكان تووشی پەلاماری چەكداری بوونەوە، هێزەكانی پارتی دیموكراتی كوردستان لەوێش بەبێ تەقە شەنگال- یان چۆڵكرد و ئەوانیان تووشی نەھامەتی و ماڵوێرانی كردەوە، وەك چۆن تەسلیمی داعشیان كرد.
"لەگەڵ جوڵەی حەشدی شەعبی بەرە و شەنگال پارتی بەبێ تەقە لە سەرجەم میحوەرەكانی قەزای شەنگال و دەوروبەری بەرەو هەولێر پاشەكشەی كرد"
بەرەبەیانی رۆژی 17ی ئۆكتۆبەری 2018 و لەگەڵ جوڵە پێكردنی حەشدی شەعبی بەرە و شەنگال، هێزەكانی پارتی دیموكراتی كوردستان، بەبێ تەقە لە سەرجەم میحوەرەكانی قەزای شەنگال و دەوروبەری بەرەو هەولێر پاشەكشەیان كرد، هەر هەمان رۆژ حەیدەر شەشۆ فەرماندەی هێزەكانی پاراستنی ئێزدیخان لە لێدوانێكی رۆژنامەنووسیدا رایگەیاند: "بەبێ هیچ شەڕ و بەرگرییەك ئەو هێزانەی كە لە شەنگال بوون كشانەوە و شەنگال كەوتە دەست حەشدی شەعبی و سوپای عیراق".

"شەنگال بەبێ تەقە تەسلیم حەشدی شەعبی كراوە"
 ئەو رۆژە كەناڵی ئاسمانی رووداوی سەر بە پارتی دیموكرات بەپەخشی راستەوخۆ هەواڵی ئەوەی بڵاوكردەوە كە حەشدی شەعبی بەبێ تەقە و بەرگری چونەتەناو شەنگال، ئەو راستییەی زیاتر سەلماند كە شەنگال بەبێ بەرگری وتەقە تەسلیمی حەشدی شەعبی كراوە،  لە كاتێكدا لەشكری گوڵان و فەرماندەیی دهۆكی سەر بەپارتی سەرپەرشتی ئاسایشی قەزای شەنگال و ئەوناوچانەیان دەكرد كە لە ئەستۆی مەسرورو مەنسور بارزانیدا بوون، بەڵام لەوێش وەك كەركوك رایان كرد.