بە داخ و پەژارەیەکی زۆرەوە هەواڵی شەهیدبوونی فەرماندەی هێزەکانی کۆماندۆ، ئاکام عومەرمان پێگەیشت. لە دەستدانی ئەم فەرماندە جوامێرە خەسارەتێک بوو لە هێزە چەکدارەکانی کوردستان و یەکێتیی نیشتمانیی کوردستان، بۆ ئەم کۆستە خەمناکە پرسە و ماتەمی خۆمان ئاڕاستەی خانەوادە تێکۆشەرەکەی فەرماندە ئاکام و گشت ئەفسەر و پێشمەرگەکانی هێزی کۆماندۆ دەکەین .
رۆڵی شەهید ئاکام لە ناو هێزی پێشمەرگە و هێزی کۆماندۆدا لە نەبەردییەکانی روبەڕوبونەوەی تیرۆریستانی داعشدا نموونەی قارەمانێتی بووە و لە مێژوودا بەڕەمزی پڕ لە جوامێریی دەمێنێتەوە.
لەم کۆستەدا داواکارین لە یەزدانی مەزن رۆحی شەهیدی فەرماندە ئاکام عومەر بە بەهەشتی بەرین شاد بکات و سەبوری بە خانەوادە و کەسوکار و هاوسەنگەرانی ببەخشێت.
مەکتەبی سیاسی
یەکێتیی نیشتمانی کوردستان
