سەرۆک بافڵ: پشتیوانی هەر هێز و لایەنێک دەکەین کە ئامانجی خزمەتکردن بێت

بافڵ جەلال تاڵەبانی، سەرۆکی یەکێتیی نیشتمانیی  کوردستان و د. لەتیف جەمال رەشید، سەرۆک کۆماری عیراق لە بەغدا کۆبوونەوە.
لە دیدارێکدا گفتوگۆ لەبارەی دوایین گۆڕانکارییە سیاسییەکانەوە کرا و جەخت لە یەکخستنی هەوڵە نیشتمانییەکان کرایەوە لەپێناوی سەرخستنی پڕۆسەی سیاسی، پاراستنی سەقامگیری و هەوڵەکانی حکومەت بۆ خزمەتکردنی خەڵک.
لە دیدارەکەدا سەرۆک بافڵ جەلال تاڵەبانی پشتیوانی لە هەموو ئەو هەوڵە ئەرێنییانە کرد کە بە ئاڕاستەی سەقامگیری سیاسی، ئابووری و کۆمەڵایەتی دەنرێن و رایگەیاند، هەر هێز و لایەنێک ئامانجی خزمەتکردنی وڵاتی هەبێت، ئێمە پشتیوانی دەکەین.