پیرۆزبایی قوباد تاڵەبانی بەبۆنەی هاتنەوەی مانگی رەمەزانی پیرۆزەوە

06:14 - 2023-03-22
کوردستان
182 جار خوێندراوەتەوە

قوباد تاڵەبانی، جێگری سەرۆکی حکومەتی هەرێم پەیامێکی بەبۆنەی هاتنی مانگی رەمەزانەوە بڵاوکردەوە و رایگەیاند، لەم مانگەدا پێویستە ئیلهام لە ماناکانی ئارامی و دان بەخۆداگرتن و برایەتی و پابەندی وەرگرین

دەقی پەیامەکەی قوباد تاڵەبانی:

هاتنی مانگی ڕەمەزان لە گشت موسوڵمانانی دونیا بەگشتی و کوردستان بە تایبەت پیرۆز دەکەم. 

لەم مانگە پیرۆزەدا پێویستە ئیلهام لە ماناکانی ئارامی و دان بەخۆداگرتن و برایەتی و پابەندی وەرگرین بۆ سەرجەم کایەکانی تری ژیان.

دەسپێکی ئەم مانگە بە دەرفەت دەزانم بۆ جەختکردنەوە لە ئەرکی حکومەت بە چاودێری کردنی نرخی کاڵاو بازاڕەکان و تەندروستی خۆراک، لە پێناو بەرژەوەندی هاوڵاتیان، بەهیواین ئەم ڕەمەزانە لە کەشێکی پڕ لە خێر و خۆشی و ئاشتەوایی و تەبایی دا بگەڕێتەوە بۆ کوردستان.

سەرچاوە:
ئەکاونتی قوباد تاڵەبانی

بابەتە پەیوەندیدارەکان