تا ئێستا شتی وا روینەداوە

خولی ئینگلیزی (پریمەر لیگ) ئەمساڵ دیاردەیەكی سەیرو نامۆی بەخۆیەوە بینی و لەم وەرزەدا ریكۆردێكی تۆمار كردووە كە تا ئێستا لە مێژووی ئەم خولەدا وێنەی نەبووە.
ئەم وەرزە (2022-2023) هێشتا لەهەفتەی 30 یەمینی خۆیدایە، دوێنێ یەكشەممە یارییەكانی هەفتەی 30 - یەم كۆتاییانهاتووە و لەوە نزیك بۆتەوە كۆتایی بێت و تەنیا 8 هەفتە لەیاریی ماوە بكرێن.
ئەو دیاردە سەیر و سەمەرەیەی لەم وەرزەی ئەم خولەدا بینرا و تەنانەت ریكۆردێكیشە، تا ئێستا ئەم خولە بەخۆیەوە نەیبینیوە، ئەوەیش ئەوەیە 13 راهێنەر لە خولەكەدا لە پۆسەكانیان دور خراونەتەوە و راهێنەری نوێ لەجێگەیان دانراوە، بیانوی یانەكانیش ئەنجامە خراپەكانیانە.
دوا راهێنەر كە لە پۆستەكەی دورخراوتەوە، گراهام پۆتەرە لە راهێنانی یانەی چێڵسی، پۆتەر بووبە 13 یەمین راهێنەر كە لە پۆستەكەی دووربخرێتەوە، یەكەم راهێنەریش سكۆت پارەكەر بوو كە لە یانەی بۆرنمۆس دوورخرایەوە.
لەو لیستی ناوی راهێنەرانەدا كە لە خوارەوە نووسراوە، ئەوەی تێبینی دەكرێت ئەوەیە یانەی چێڵسی دووجار راهێنەری گۆڕیوە، تۆخێل دووردەخاتەوە گراهام پۆتەر دەخاتە جێگای، پاش چەند هەفتەیەك لە ئەنجامی خراپ پۆتەریش دووردەخاتەوە و جارێکی تر لامپارت دەهێنێتەوە، پۆتەریش لە یەك وەرزدا دەبێتە راهێنەری دوو یانە و هەرلەو وەرزەدا لە هەردوو یانەكەش دووردەخرێتەوە، ئەم روداوەش رەنگە خۆی بۆ خۆی ریكۆردێكی تر بێت نەك لەم خولە بەڵكو لە پێنج خولە بەهێزەكەی ئەوروپاشدا. 
ئەمش لیستی ناوی ئەو 13 راهێنەرەیە كە یەك لەدوای یەك لە پۆستەكانیان دوورخراونەتەوە:
*سكۆت پاركەر (بۆرنمۆس).
*تۆماس تۆخێل(چێڵسی).
*گراهام پۆتەر(برایتۆن).
*برۆنۆ لانچ(وڵڤەر هامپتۆن).
*ستیڤن جیرارد(ئەستۆن ڤێللا).
*راڵف هازنهۆتڵ(ساوسهامپتۆن).
*فرانك لامپارد(ئیڤەرتۆن).
جیسی مارش(لیدز یونایتد).
*ناسان جۆنز(ساوسهامپتۆن).
*پاتریك ڤیێرا(كریستاڵ پاڵاس).
*ئەنتۆنیۆ كۆنتی(تۆتنهام).
*بریندان رۆجەرز              (لیستەر سیتی).
*گراهام پۆتەر(چێڵسی).