بەڕێوەبەرایەتی وەرزشی سلێمانی لە بیرۆكەیەكی نوێدا پڕۆژەی تێنسی سەرمێز لە شوێنە گشتییەكان لەناو پاركەكان جێبەجێدەكات، ئەمڕۆش لەپاركی ئازادی یەكەمین (مێز)ی جێگیری تێنسی سەرمێز دانرا.
ئەو مێزی تێنسانە بەكوالێتییەكی بەرز دروستكراون، كە بەرگەی سەرما و گەرما بۆ ماوەیەكی زۆر دەگرن، یاری كردنیش لەسەر مێزەكان بێبەرامبەرە، بڕیارە لەداهاتوویەكی نزیكدا چەند دانەیەكی تر لە تێنسی سەرمێز دروستبكرێت.
سەرچاوە: بەڕێوەبەرایەتی وەرزشی سلێمانی
