ئاواتە دێرینەكەی ئەرسناڵ دێتە دی؟

یانەی ئەرسناڵی ئینگلیزی لە وەرزی 2003-2004 –ەوە نەیتوانیووە نازناوی پاڵەوانی خولی ئینگلیزیی بباتەوە و ماوەی 20 ساڵە لەم نازناوە بێ بەشە.
دوا وەرز كە ئەرسناڵ ئەم نازناوەی بردۆتەوە، ساڵی 2004 بووە، لەو ساڵەوە تا ئەم وەرزە، یانەكانی (مان سیتی 6 نازناو، مان یونایتد 5 نازناو، چێڵسی 5 نازناو، لیستەر سیتی و لیڤەرپوڵیش هەریەكەو یەك نازناو)ی پاڵەوانی خولی ئینگلیزییان بردۆتەوە.
ئەمساڵ جیاواز لە ساڵانی رابردوو، یانەی ئەرسناڵ بە سەرکردایەتی ئارتێتای راهێنەر، بە ئاستێكی باش و دڵخۆشكەردا تێپەڕ دەبێت، ئەنجامەكانی جیاواز لە ساڵانی رابردوو دڵخۆشكەرن و بۆنی ئەوەیان لێدێت بەو ئاواتە بگاتەوە كە ماوەی 20 ساڵە لێی بێ بەش بووە کە نەیتوانیوە نازناوی پاڵەوان بباتەوە.
ئێستا ركابەریی و ململانێی نازناوی پاڵەوانی خولی ئینگلیزی كەوتۆتە نێوان ئەم یانەیەو مان سیتییەوە، ئەرسناڵ یەكەم یانەی ئەم وەرزەیە سنوری خاڵەكانی 70 خاڵی تێپەڕاندبێت و لە كۆی 30 یاریی 73 خاڵی هەیە، یانەی مان سیتی لە پاش ئەوەوە دێت و لەكۆی 29 یاریی 67 خاڵی هەیە و دووەمی ریزبەندییە، نیوكاسڵ و مان یونایتد سێیەم چوارەمی ریزبەندیین و هەریەكەو خاوەنی 56 خاڵن و ئەمانیش وەك مان سیتی 29 یارییان كردووە و هەر یەكەو یارییەكی دواخراویان هەیە.
مان سیتی 9 یاریی ماوە بیانكات، هەرچی ئەرسناڵە 8 یاریی ماوە بیانكات، گرنگترین یارییش كە هەردووكیان ماویانە بیكەن، یاریی نێوانیانە كە 26/4 دەكرێت و یاریی هەفتەی 33 -ی پریمەر لیگە، ئەرسناڵ ئەم یارییانەی ماوە بیانكات:
*16/4/2023     (وێستهام×ئەرسناڵ). 
*21/4       (ئەرسناڵ×ساوسهامپتۆن).
*26/4          (مان سیتی×ئەرسناڵ).
*29/4             (ئەرسناڵ×چێڵسی).
* 7/5            (نیوكاسڵ×ئەرسناڵ).
*14/5            (ئەرسناڵ×برایتۆن).
*20/5          (نۆتینگهام×ئەرسناڵ).
*28/5    (ئەرسناڵ×وڵڤەر هامپتۆن).
هەرچی یانەی مان سیتی – یە 9 یاریی ماوە بیانكات و یارییەكانی بەمشێوەیەن:
*15/4     (مان سیتی×لیستەر سیتی).
*23/4           (برایتۆن×مان سیتی).
*26/4          (مان سیتی×ئەرسناڵ).
*30/4           (فۆڵهام× مان سیتی).
*3/5            (مان سیتی×وێستهام).
*7/5        (مان سیتی×لیدز یونایتد).
*14/5         (ئیڤەرتۆن×مان سیتی).
*20/5           (مان سیتی×چێڵسی).
*28/5         (برینفۆرد×مان سیتی).