شەوی هەینی رابردوو لە چوارچێوەی یاریەیكانی پاڵەوانێتیی تۆپی پێی وڵاتانی خۆر ئاوای ئاسیادا (بۆ ئەو یاریزانانەی تەمەنیان لە 23 ساڵ کەمترە) یاریانێکی تری كورد لە ئاسمانی تۆپی پێی ئەم كیشوەرەدا درەوشایەوە و ناوی كوردی لە جیهانی تۆپی پێدا جواتر كرد، ئەو ئەستێرە نوێیەش بڵند ئازاد عومەرە.
ئەوشەوە هەڵبژاردەی عیراق لە سێیەم یاریی خۆیدا لەو پاڵەوانێتییەدا 3-0 لە ئیماراتی بردەوە، بەم بردنەوەیەش بوو بەیەكەمی گروپی یەكەمی هەڵبژاردە بەشدارەكان و بۆ قۆناغی دوو یاریی پێشكۆتایی سەركەوت.
یەكەم گۆڵی هەڵبژاردەی عیراق بڵند لە دەقیقەی 25 ی یارییەكەدا كردی، دواتر هەڵبژاردەی عیراق دوو گۆڵی تری كردو 3-0 یارییەكەی بردەوە.
بڵند ئازاد عومەر گەنجێكی كوردە، تەمەنی 17 ساڵە، لە یانەی گراف شاپی هۆڵەندی یاریی دەكات، یاریزانی هێڵی ناوەند و لە ئیرتیكازدا یاریی دەكات، قەحتان جسەیری راهێنەری هەڵبژاردەی عراق بۆ ئەم پاڵەوانێتییە بانگی كردووە.
