قۆناغە مێژوویینە پڕ سەروەرییەکانی یەکێتیی نیشتمانیی کوردستان، ساڵێکی تری تەمەنی تێپەڕکرد.
بەشانازیەوە یادی 49 ساڵەی دامەزراندنی دەکەینەوە، کە تا ئەم چرکە ساتەش جێگەی هیوا و متمانە و بەدیهێنانی ئاواتە لە مێژینەییەکانی گەلەکەمانە. جگە لەوە هێز و لایەنە سیاسییەکانی تریش یەکێتی بە پارێزەر و بەدیهێنەری دیموکراسی دەزانن و نکوڵی لەو راستییە ناکەن لە سایە و سێبەریدا گەشەدەکەن و دەتوانن رۆڵی خۆیان ببینن لە خزمەت گەیاندن بە کۆمەڵانی خەڵک.
ی.ن.ک بە حوکمی ئەوەی کە لەسەرەتای دامەزراندنییەوە رێکخراوێکی نوێ بوو تازە دامەزرابوو، لەگەڵ ئەوەشدا توانی لە ماوەیەکی کورتدا و بەهۆی بایەخدانی رێکاری راگەیاندن و فکری و بڵاوکردنەوەی یەکەمین بەیاننامەی یەکێتی بەبۆنەی دامەزراندنییەوە لە 22-5-1975دواتر جووڵە سیاسی و شۆڕشگێڕانەکەی لە
1-6-1975 زۆر بەباشی دەنگیدایەوە و لە راگەیاندنی بەیاننامە گشتگیر و مژدە بەخشەکەی یەکێتیی نیشتمانیی کوردستان بۆچی؟ توانی دۆست و لایەنگرێکی بێ شومار لەدەوری خۆی کۆبکاتەوە، جگە لە پەیوەندیکردنی دەیان کەسایەتی رۆشنبیر و هۆشیار و مێرخاسی کورد، جارێکی تر دوژمنانی گەلی راچڵەکاند و دۆستانی شاد کرد و ورەی بەخشییەوە بە کۆمەڵانی خەڵکی کوردستان کە هەموان ئەو رۆژانە هیوابڕاو بوون بەهۆی ئاشبەتاڵەوە.
ئەگەر سەیری رابردووی یەکێتی بکەین، دەبینین تۆمارێکی پڕ سەروەری و قارەمانێتی و هەڵوێستی بەرەنگاربوونەوەی کوردانەی بینیوە، هەروەکو ئەمڕۆش دەبینین بەردەوام لەبەرەی خەڵکدایە و توانیویەتی تەرازوی هێز بەلای خۆی و کۆمەڵانی خەڵکی کوردستان بشکێنێتەوە. بێووچان داکۆکی لەسەرجەم مافە یاسایی و دەستوورییەکانی هەرێمی کوردستان کردووە کە لە دەستووری عیراقدا چەسپێنراون و توانیویەتی ئەو راستییە بسەلمێنێ و رۆڵەکانی گەلەکەمان لەوە حاڵی بکات تا لە رێگەی سندوقەکانی دەنگدانەوە دەسەڵاتی سیاسی و خۆسەپێنی نەگۆڕدرێت، ئاسایش بەرقەرار نابێت و بەهیچ کلۆجێک ناتوانین لە رووی ئابووری و سیاسی و کۆمەڵایەتییەوە گەشە بکەین، هەر لەبەرئەوەش پێویستە رۆژانە لە رێگەی راگەیاندنەکانمانەوە چاکتر و وردتر ئەو حەقیقەتە بخرێتە ناخی ویژدانی کۆمەڵانی خەڵکی کوردستانەوە.
یەکێتی لە سەرەتای هاتنە مەیدانەوە تێڕوانینێکی ریفۆڕمخوازی و دۆستانەی بووە بۆ چارەسەری کێشەکانی کۆمەڵگەی کوردی و ڕێکخستنەوەیان لەسەر بناغەی مرۆڤدۆستی
ی.ن.ک لەپێناوی بەدیهێنانی ئاواتەکانی گەل دامەزراوە و یەکێک لە فاکتەرە گرنگ و سەرەکییەکانی لە دایکبوونی بەرگریکردن بووە لە ناسنامەی نەتەوەیی و بەرەنگاربوونەوەی سیاسەتی تواندنەوە و لەناوبردنی کورد لەلایەن ئەو وڵاتانەوە کە نیشتمانی کوردیان بەسەردا دابەشکراوە، هەر لەبەرئەوە رێگەی خۆسەپێنی بە هیچ هێز و لایەنێک نادات.
(خوێن بەخشین) ئەو رەوایەتییە بە یەکێتی دەبەخشێ زۆر زیاتر لە حزبێکی تر خۆی بەخاوەن مەسەلەی کورد بزانێ.
لە هەوڵی بەردەوامدایە پەیوەندییەکانی لەگەڵ دەر و دراوسێکانی هەرێم توند و تۆڵ بکات لەسەر ئەساسی تێگەیشتن و هاوپەیمانی دوور لە خۆبەدەستەوەدان و هەرگیز بەو دەرەنجامانەی ئێستا رازی نییە کە گەلەکەمانی تووشی چەندین کێشە و سەریەشەی بەردەوام کردووە، بەهۆی ئەوەوە ململانێکان زیاتر روویان لە ملهوڕی کردووە کەمتر خزمەتگوزاری پێوە دیارە. پێویستە هەموان لەوە دڵنیابن کە یەکێتی لە سەرەتای هاتنە مەیدانەوە تێڕوانینێکی ریفۆڕمخوازی و دۆستانەی بووە بۆ چارەسەری کێشەکانی کۆمەڵگەی کوردی و ڕێکخستنەوەیان لەسەر بناغەی مرۆڤدۆستی ئاشتی خوازانە و دیموکراسی بۆ گەیشتن بە پاشەڕۆژێکی پرشنگدار و هەوڵدەدا ئابووری کوردستان لە ئابوورییەکی نادیارەوە بگوازێتەوە بۆ ئابوورییەکی جێگیر و چەسپاو بۆ ئەوەی جارێکیتر هەرێم لەسەر پێی خۆی بوەستێتەوە.
سەروەریی بۆ کەسوکاری شەهیدان و پێشمەرگە زیندانییە سیاسییەکان و رێکخستنە دێرینەکانی یەکێتی و گیانی رابەر و سەرکردە و شکۆی نەتەوەکەمان مامی گەورە و رابەرمان مام جەلال شاد و ئارام و ئاسوودە بێت.
بەشداریی لە نووسینەوەی ئەو بەشە بکەن کە خۆیان تێیدا کاریان کردووە، تا هەموو پێکەوە مێژوویەکی راست و رەوانی ئەو بزووتنەوەیە بۆ نەوەکانی داهاتوو تۆمار بکەین.
