دیداری یەکێتی بناغەیەک بۆ بەرنامە و سیاسەت و ستراتیژ، بۆ کۆنگرە و سەکۆیەک بۆ دید و دیدگا و بۆچوونەکان، لەچوارچێوەی چارەسەر بۆ کێشەکاندا.
دیداری یەکێتی کە دوای کۆنگرەی چواری یەکێتی، یەکەم بەرنامە و ئەجێندای خۆی کردە دیفاکتۆ، هەرئەمەش وایکرد را و سەرنجی هەڤاڵان بوو بە بەردی بناغەی کارنامە و پەیڕەوی یەکێتی لە کۆنگرەی پێنجەمدا، ئێستاش کە دووەمین دیدار دەستی پێکردووە، کارەکانی لەسەر دوو پایەی ئەساسی تەرجومە دەکات:
یەکەم: ئامادەکاریی بۆ بەرنامە و کارنامەی کۆنگرەی شەشەم، دەکات.
دووەم: سەکۆیەکە بۆ رەخنە و پێشنیاری هەڤاڵان، واتە رەخنە لە دوێنێ و پێشنیار بۆ سبەی.
روویەکی گەشاوەی دیداری یەکێتی، بەشداریی زۆرینەی زۆری هەڤاڵان و کادرانە لە داڕشتن و ستراتیژ و سیاسەتی یەکێتی، ئەویش لە چوارچێوەی رەخنە و پێشنیاردا.
هەروەها دیدار بۆشایی نێوان کۆنگرە لەنێوان کادراندا پڕدەکاتەوە، کۆنگرە سنووردارە و ژمارەیەکی دیاریکراو لەکادر دەتوانن بەشداربن، بەڵام دیدار سەکۆیەکی فراوان و کراوەیە، دەکرێت تەواوی هەڤاڵان و کادران بەشداربن واتە بەشداربن وەک چەندایەتی و چۆنایەتیش.
جوگرافیا و رەنگدانەوەی دیدی ناوچەیی لەناو دیدی گشتیی یەکێتیدا. لەم رووەوە دیدار خۆی دەچێتە ناو جوگرافیا و را و سەرنجی هەڤاڵان لە ناوچە جیاجیاکان و لەوێشەوە خواست و کێشە و گرفتەکان لەگەڵ خۆی دەباتە سەر سەکۆی یەکێتی و گفتوگۆی لەسەر دەکات. ئەمەش وادەکات دیدار دەرگای یەکەمی کۆنگرە بکاتەوە و هەمووان لەناو سیاسەت و بڕیاری یەکێتیدا قسەیان هەبێت.
دیدار فارگۆنی گەڕۆکی یەکێتییە، بەناو کوچە و کۆڵان و نیشتماندا دەگەڕێت، لەتەواوی سێکتەرەکان سەرنج و راکان کۆدەکاتەوە، خاڵێکی دیکەی دیدار تەنها لەڕووی سیاسەتەوە ناڕوانێتە بابەتەکان، بەڵکو تەواوی فاکت و سێکتەرەکان دەباتە ناو سیاسەت و دەیانکاتە ئەجێندا و ستراتیژی کاری یەکێتی، هەر بۆیە دیدار پایەیەکی گرنگ و بایەخدارە بۆ یەکێتی و خواستی هەڤاڵانەیە بۆ گۆڕان و نوێبوونەوەی یەکێتی و خۆگونجاندنی سیاسەت و بەرنامەی یەکێتییە لەگەڵ رووداو و پێشهاتەکان لەناوچەکەدا، چونکە دیدار سەرەتایە بۆ دەسپێکی کۆنگرە و کۆتاییه بۆ بەرنامە و کارنامەی یەکێتی بۆ بەردەوام بوون.
