لێپرسراوانی وەزارەتی ناوخۆی عیراق، رایانگەیاند: لە 12 خاڵی سنوورییەوە و تەنیا لە ماوەی سێ رۆژدا، زیاتر لە 92 هەزار کەس هاتوونەتە عیراق.
هەروەها ئەوەشیان ئاشکرا کرد، ئەو کەسانە لە وڵاتانی ئێران و پاکستان و ئەفغانستان و ئازەربایجانەوە،
بە مەبەستی سەردانی مەزارگە پیرۆزەکانی کەربەلا و نەجەف و لە چوارچێوەی یادکردنەوەی مەراسیمی چلەدا هاتوونەتە عیراق.
هاوکات ئەوەشیان ئاشکرا کرد، بەشێکی زۆری ئەو کەسانە لە خاڵە سنوورییەکانی هەرێمی کوردستانەوە پەڕیونەتەوە.
سەرچاوە: واع
