لە داهاتوویەكی نزیكدا، رێكارەكانی بوونە دەستەخوشكی پارێزگای هەڵەبجە لەگەڵ پارێزگای جرینكای ئیسپانیا، دەستپێدەكرێن.
بۆ ئەو مەبەستە، دارەوان حاجی حامید نوێنەری حكومەتی هەرێم لە ئیسپانیا، سەردانی پارێزگای جرنیكای كرد و لەلایەن خۆسێ ماریای پارێزگارەوە پێشوازی لێكرا. دوای گفتوگۆ و گۆڕینەوەی بیروڕا، ئامادەكاری بۆ رێكارەكانی دەستەخوشكی كرا و پارێزگاری هەڵەبجەش لە داهاتوویەكی نزیكدا بانگهێشتی ئیسپانیا دەكرێت.
لەمیانی كۆبوونەوەكەدا، پارێزگاری جرنیكا، لۆگۆی پارێزگاكەی پێشكەش بە نوێنەری حكومەتی هەرێم كرد، كە لۆگۆكە گەڵای دارێكە و ئاماژەیە بە سیمبولی ئازادیی هەرێمەكە. لەبەرامبەریشدا دارەوان حاجی حامید كتێبێكی سەبارەت بە مێژووی شاری هەڵەبجە، پێشكەشی پارێزگار كرد.