وتەبێژی کرێملن رایدەگەیەنیت کە پێویستە ئازەربایجان و ئەرمینیا بێنە سەرمێزی گفتوگۆ و دانوستان و فەرەنساش داوای کۆبونەوەی بە پەلە دەکات.
دیمیتری بیسکۆف وتەبێژی کۆشکی سەرۆکایەتی روسیا "کرێملن" رایگەیاند کە پێویستە دەسەڵاتدارانی ئازەربایجان و ئەرمینیا خۆیان لە پێکدادانی سەربازی بەدووربگرن و بۆ چارەسەرکردنی کێشەی هەرێمی ناوچەی قەرەباغ بێنە سەر مێزی گفتوگۆ.
هاوکات حکومەتی فەرەنساش داوایکرد کە هەرچی زووە ئەنجومەنی ئاسایشی نێودەوڵەتی کۆببێتەوە و چارەسەری ریشەیی بۆ کێشەکانی هەردوو وڵات بدۆزرێتەوە.
ئەمەش لەکاتێکدایە کە ماوەی چەند رۆژێکە پێکدادانی سەربازی لەنێوان ئەرمینیا و ئازەرباییجان لەسەر ناوچەی قەرەباغ دەستیپێکردۆتەوە.
سەرچاوە: سکای نیوز
