سەرۆك وەزیرانی عیراق لە میانی پێشکەشکردنی وتارێکیدا لە ساڵڕۆژی كۆچی دوایی سەرۆك مام جەلال لە بەغدا رایگەیاند، سەرۆك مام جەلال هەموو ژیانی خۆی بۆ عیراقێكی دیموكراتدا تەرخانكرد.
محەمەد شیاع سودانی سەرۆك وەزیرانی عیراق لە وتارەکەیدا رایگەیاند "پێش شەش ساڵ کەسایەتییەکی گەورە ئێمەی بەجێهێشت، سەرۆک مام جەلال فرەڕەنگی ئێمەی لەخۆگرتبوو، پیاوێک بوو بەوپەڕی لەخۆبردوویی و باوەڕەوە رووبەڕووی دیکتاتۆری بۆوە".
سودانی وتیشی، "سەرۆك مام جەلال هەموو ژیانی خۆی بۆ عیراقێكی دیموكراتدا تەرخانکرد و خەمخۆر و بەپەرۆشبوو بۆ چەسپاندنی زمانی دیالۆگ و زاڵبوون بەسەر ناکۆکییەکاندا لەنێوان پێکهاتە جیاوازەکانی عیراقدا".